●Denhdwngj Yen doeng- gvaq cwngcwz bangfuz、 ok ngaenz hwnjguh suijli dwk raemxnaz sezsih daengj banh- fap, yinxhaeuj hanghmoeg suen mbaetsou mak seiqgeiq Daizvanh. Suen mbaetsou cujyau ndaem miz mak ndei Daizvanh, mienhcik dajndaem daengz 436 moux, leih daengz 100 ranz ranzgungzhoj laeb dangj laeb gaj haenx. Doengz- seiz, suenmak goq ranz- gungzhoj daeuj guh hong, gaijgez ranzgungzhoj couhnieb vwndiz.

(Yangz Cwng’yoz Cau Suzliengz)

● Bi 2018 haeuj cou doxdaeuj, Bahmaj Yauzcuz Swciyen gaenxmaenx guh ndei dazyinx son’gyauq dinfwngz、cauhlaeb guhyiengh daengj fugsaeh, cujciz doihguhhong gvendaengz nungzyez bouh- monz bae dieg guhhong gak yanghcin, cujciz caeuq dazyinx gyoengq bouxguhnaz haenq- rengz hwngfat seizcou seiz- doeng dajndaem, gyalai yamq- din diuzcingj nungzyez canj- nieb gezgou, haigvangq diuz- roen bouxguhnaz laisou. Daengz seizneix, daengx yienh guhsat seizcou seizdoeng daj- ndaem 11.97 fanh moux, ciemq 114% nienzdoh yinvu.

(Cangh Fangh)

● Geij bi neix daeuj, vih gyavaiq yamqdin vunzlai vut gungz baenz miz, Cingsih Si ciuq dieg bae guh, diuzcingj guh ndei canjnieb gezgou, cungfaen yungh ndei dieg- namh, sonyinx vunzlai hwngfat dajndaem gomak, caemhcaiq doenggvaq gwnz muengx aen bingzdaiz densangh siugai, doenghgij lwgmak baenz le aeu hwnj muengx bae gai, ndei gai raixcaix.

(Hoz Yenlingz)

● Geij bi neix daeuj, Lungzswng Gak Cuz Swciyen gaenxmaenx sonyinx boux- guhnaz dajndaem makleiz daengj daegsaek canjnieb, yungh gij hwngfat vunqsik “nungzyez+densangh+lijyouz”, mboujdan hawj makleiz “byaij baihnamz roemx baihbaek”, engq baenz dieg lijyouz bouxhek daejniemh lajmbanj, rengzrwd coicaenh bouxguhnaz dangdieg laisou baenz miz.

(Vangz Yungjdanh)