12 nyied 13 hauh, “Liujcouh Feihyiz Hagdangz” vwnzva banggungz hanghmoeg “Danzciengq bizbaz Dungcuz beizyin mbouj aeu cienz” cwngzgoj veibau youq Sanh- gyangh Vwnzva’gvanj gawj- hengz, 20 boux yozyenz fwngz ndaek bizbaz, cuengqsing ciengqgo, yiengq bouxyawj danzciengq diuz dem diuz go bizbaz Dungcuz rwenzred haenx.

Geij bi neix daeuj, Liujcouh Si Vunzlai Yisuz- gvanj caeuq Sanhgyangh Vwnzva’gvanj doxgap yienfwngz, doenggvaq gijndei gyoengq lauxsae gak gaep feihyiz vunzswnjcienz、vunzdinfwngz ndawbiengz daengj haenx, roengzrengz haiguh “feihyiz hagdangz” haeuj mbanj、haeuj segih、haeuj hagdangz、 haeuj gihgvanh daengj hozdung, son’gyauq Dungcuz yozyenz ciengq go Dungcuz、yienj heiq Dungcuz、dajsiuq Siuqdung、veh dozveh Dungcuz、ndaekngod giyoz Dungcuz daengj feihyiz cingbinj vwnzva mbouj aeu cienz, rengzrwd doidoengh feihyiz vwnzva daih cienz daih roengzbae.

(Gungh Bujgangh/龚普康)