12 nyied 10 hauh banringzgvaq, Aen Daihhoih Angqhoh Gvangjsih Bouxcuengh Swcigih Laebbaenz 60 Hopbi youq Gvangjsih Dijyuz Cunghsinh hungnaek gawjhengz. Youq gwnz daihhoih angqhoh guh le vunzlai yienjheiq aeu《Seizdaih Moq Haenqheiq Guengjsae Moq Gyaeundei》guh cawjdaez. Yienjheiq aeu“vahaij coux beixnuengx”guh yinhyoz baihnduj, faen baenz“ranzmbanj hung huzndei”“Guengjsae moq gyaeundei”“seizdaih moq haenqheiq”3 aen bouhfaenh. Ceiqlaeng, daengx ciengz haenq ciengq《Ciengq Guekcoj》, hohfuk guekcoj mwnhoengh hwngvuengh、Guengjsae coglaeng engqgya gyaeundei. Baez yienjheiq neix guh le diemj lai cung, miz 3 fanh lai ganbu ginzcung daj 56 aen minzcuz、ndawbiengz gak gyaiq daeuj comz youq giz ndeu, caemhcaez angqhoh gih raeuz laebbaenz 60 hopbi, aeu go ciengq haenh Guengjsae moq gyaeundei、 seizdaih moq hungmbwk.