(baihgwnz ciep banj daihroek)

Haenqheiq baenaj roekcib bi, gizgiz va hai giet mak hung. Guengjsae hwngfat roekcib bi aeundaej cingzcik gig hungloet, daegbied dwg gij cingzcik ndaej geiq haeuj lizsij、gij bengwz ndaej geiq haeuj lizsij dangj raeuz Cibbet Daih doxdaeuj aeundaej haenx, cukgaeuq yienh’ok gij swh- siengj Siz Ginbingz sevei cujyi miz daegsaek Cungguek seizdaih moq miz ligliengh hungmbwk saedguh, cuk- gaeuq baijok minzcuz cwngcwz caeuq aen cidu ranghdieg minzcuz gagguenj dangj raeuz miz ndeicawq hungloet,cukgaeuq yienh’ok gij gingjsaek gyaeundei gak minzcuz daih doxgiet.

Aeundaej doenghgij cingzcik neix, dwg miz Dangjcunghyangh、Gozvuyen daiqlingx cingqdeng cij aeundaej, dwg miz gak bouhmonz cunghyangh caeuq gak beixnuengx sengj gih si haenqrengz haeujcoengh cij aeundaej, caemh dwg miz swcigih liggaiq dangjveij、cwngfuj gietcomz daiqlingx daengx gih gak cuz ganbu ginzcung caezsim haenqguh、haenq- heiq baenaj cij aeundaej. Youq seizneix, raeuz engqgya laegdaeuq roxnyinh, cijmiz dingjmaenh Cungh- goz Gungcanjdangj daiqlingx, dingj- maenh byaij diuz roen sevei cujyi miz gij daegsaek Cungguek, dingjmaenh aen cidu ranghdieg minzcuz gagguenj, dingjmaenh couqmaenh gij eiqsik caezcaemh aen Cunghvaz Minzcuz ndeu, cijndaej saedyienh Guengjsae hwngfat baenaj, cijndaej saedyienh gak minzcuz doxgiet doxhuz, mbouj- duenh haicaux Guengjsae daengzcog engqgya gyaeundei.

Gak bouxdaeuz、gak boux hek- gviq, gyoengq dungzci、gyoengq baengzyoux! Youq mwh Gvangjsih Bouxcuengh Swcigih laebbaenz roek- cib hopbi neix, Siz Ginbingz cungj- suhgi cienmonz sij le gaiq baiz “Cauhlaeb Aen Gvangjsih Gyaeundei Saedyienh Aen Loqsiengj Fukhwng” daeuj hoh, dak yiengh cuknyienh ceiq gyaeundei、yiengh maqmuengh ceiq naekna hawj Guengjsae. Neix dwg cungjsuhgi aen haucauh hungmbwk heuh Guengjsae byaij haeuj seizdaih moq、 ndwn daengz giz haidin moq、saedyienh yathamj moq, dwg naihsim son’gyauq Guengjsae raeuz aeu cungj- gez ndei、yinhyungh ndei、hwngfat ndei gij gingniemh guh ndaej baenz minzcuz doxgiet baenaj, naekna daengqdak Guengjsae caeuq daengx guek gak cuz yinzminz caez sim、caez byaij、caez hwnqbaenz aen biengz cienzmienh siujgangh, vih Guengjsae youq seizdaih moq hwngfat mingzbeg vixok le aen fuengyiengq baenaj、veh ok le mbaw lamzdoz hungmbwk、daezok le iugouz engq sang. Raeuz itdingh aeu geiqmaenh gij daengqdak cungjsuhgi, dawz gij ndiepmaij gvansim cungjsuhgi caeuq Dangjcunghyangh bienq baenz gij ligliengh hung’ak doidoengh daengx gih gak cuz yinzminz rengzrwd baenaj, yaengx sang mbawgeiz hungmbwk gij swhsiengj Siz Ginbingz sevei cujyi miz daegsaek Cungguek seizdaih moq, giengiet hengzguh gij sawjmingh moq “sam daih dinghvih”, haeujlaeg gvancez gij iugouz moq “haj aen netsaed”, haeujrengz dwk hingz buenz geiz hailangh hwngfat neix, hoenx ndei ciengz ciengq dawzcinj duetgungz neix, doeksaed aen iugouz boiqhab hwngfat neix, gikhoengh gij doenghlig gaijgwz cauhmoq neix, fazveih ndei gij ak swnghdai vanzging neix, ca’ndei aen dangj gensez cungj baujcang goekgaen neix, roengzrengz hwnqguh Guengjsae ndaej engqgya mwnhoengh fouqmiz, engqgya hailangh cauhmoq, engqgya doxgiet doxhuz,engqgya gyaeundei vuenyungz, caen- cingq maenh’ak hwnjdaeuj、gyaeundei hwnjdaeuj, hawj Dangjcunghyangh cuengqsim, hawj daengx gih gak cuz lwgminz habhoz.

Eu fwen eu mbouj liux, aen dangj laeg lumj haij. Raeuz aeu engqgya gaenjmaed gietcomz youq seiqhenz aen Dangjcunghyangh aeu Siz Ginbingz dungzci guh haedsim, mbouj lumz simnduj, geiqmaenh sawjmingh,maenhsaed doicaenh aen saehnieb hwnghoengh Guengjsae sawj lwgminz fouqmiz, haenqrengz sij ok bien faenzcieng moq Guengjsae youq seizdaih moq hwngfat, vih cauhlaeb aen Gvangjsih gyaeundei、saedyienh aen loqsiengj fukhwng bae roengz- rengz haenqguh！

Hoh aen guekcoj hungmbwk raeuz mwnhoengh hwngvuengh！

Hoh daengx gih gak cuz lwgminz vuenyungz an’onj！

Hoh Guengjsae ngoenzcog engq- gya gyaeundei！