（baihgwnz ciep banj daihngeih）

——Ceihleix swnghdai cingz- yauq yienhda. 60 bi gaxgonq, Guengjsae ndoengfaex cwgoemq beijlwd ngamq miz 23%, haujlai deihfueng “bya sang rin lai rungh laeglam, namh mbang raemx noix nanz lixyouq”. Seizneix, Guengjsae gaenq daengzdaej gietsat gij lizsij bya fwz ndoi ndoq, caetliengh swnghdai doenghgo caeuq cingzdoh gaijndei doenghgo baiz youq daengx guek daih’it, ndoengfaex cwgoemq beijlwd dabdaengz 62%, caetliengh hoengheiq ndawsingz maenhndei beijlwd dab- daengz 88%, raemx gwnznamh naj- raemxgat guekgya gamhanh caetliengh maenhndei beijlwd dabdaengz 96%. Gij gingj lumj sei lumj veh “bya heuswdswd daengj ndaw veh” gizgiz ndaej raen, gaiq ciubaiz dijbauj “bya raemx Gveilinz gaiq lajmbwn” engq- gya ronghsag.

——Minzcuz doxgiet mbouj- duenh gyamaenh. Aen Guengjsae mwh Cungguek gaeuq, ginhfaz gat dieg gag ciemq、beksingq hoj yaek dai, gak minzcuz haekhawz gig laeg. Aen Guengjsae ngoenzneix, dwg aen swcigih vunzsoq ceiq lai, caemh dwg aen sengjgih vunz siujsoq minzcuz ceiq lai, minzcuz cwngcwz aen dangj ndaej daengz cienzmienh gvancez, minzcuz gvanhaeh dwg mwh ceiq ndei. Gak cuz lwgminz ndaej gyau baengz- youx ndei、ndaej guh ranznden doxhuz、ndaej giet yienyienz hab’eiq, gizgiz cungj raen "aen ranz vunz lai、minzcuz cingz laeg". Henz haij henz guek doxcaez hen、saedceij gyaeundei doxcaez cauh、lai yiengh vwnzva doxcaez ngonz、raemx saw bya heu doxcaez ung, yienh’ok fukveh seng- doengh Guengjsae minzcuz doxgiet.

Cibbet Daih aen dangj doxdaeuj, ndaej aen Dangjcunghyangh aeu Siz Ginbingz dungzci guh haedsim maenh’ak daiqlingx, swcigih haenq- heiq baenaj, aeundaej cingzcik moq hab geiq haeuj lizsij. Ginghci moix bi bingzyaenz demlai 8.3%, sang gvaq daengx guek bingzyaenz suijbingz haemq lai; moix vunz bingzyaenz digih swnghcanj cungjciz cungbyoengq 4 fanh maenz, cungjdaej yamq haeuj aen hangzlied cungdaengj souhaeuj. Hwnqguh sezsih giekdaej ngoenz ndei gvaq ngoenz, dwg aen swcigih ceiq caeux haidoeng gauhsuz dietloh caeuq deihdiet, roen gauhsuz goengloh cungjraez mauhgvaq 5000 goengleix. Ciengz ciengq gunggeng duetgungz ndaejdaengz gij cincanj miz gietdingh yiyi, moix bi miz 100 lai fanh vunz ndaej duetgungz, gungzhoj beijlwd daj 18% gyangqdaemq daengz 5.7%, 1700 lai fanh vunz lajmbanj ndaej gwn raemxseuq, 10 lai fanh vunz daegbied gungzhoj buen ok ranzhaz. Swcigih gak cuz lwgminz roxnyinh aeundaej、roxnyinh vuenyungz demlai yienhda, soqlaiz mbouj lumj ngoenzneix yienghneix miz saenqsim、yienghneix cingsaenz gvaekgvaek!

Gij cingzcik lwenqda swcigih 60 bi, dwg Dangjcunghyangh maenh’ak daiqlingx cij aeundaej, dwg Guengjsae gak cuz ganbu ginzcung buekguh haenqguh cij aeundaej, dwg daengx guek lwgminz haenqrengz haeuj- coengh cij aeundaej, cukgaeuq yienh- ok le gij ndei hungloet sevei cujyi cidu miz daegsaek Cungguek, baijok le gij rengzmingh hung’ak aen cidu rangh- dieg minzcuz gagguenj. Sojmiz gyoengq ganbu ginzcung caenndang ginglig swcigih hwngfat baenaj, sojmiz gyoengq vunz gak gyaiq gvansim haeujcoengh Guengjsae gaijgwz hwngfat, cungj miz leixyouz vih de angqyangz caeuq mizmaj!

Gyoengq dungzci、gyoengq baengzyoux!

Haeuj daengz seizdaih moq, Guengjsae ciep daeuj aen seizgei hwngfat doenghbaez caengz miz gvaq, ndwn youq gwnz haidin hwngfat moq. Siz Ginbingz cungjsuhgi 2017 nienz daeuj Guengjsae gaujcaz, guh’ok baenzroix cijsi youqgaenj, vih guh ndei gak hangh hong fouq lwgminz hwng Guengjsae ceijmingz fueng- yiengq baenaj. Raeuz aeu haeujlaeg hagsib gvancez gij swhsiengj Siz Ginbingz sevei cujyi miz daegsaek Cungguek seizdaih moq caeuq gij cingsaenz Cibgouj Daih aen dangj, demgiengz “seiq aen eiqsik”, giendingh “seiq aen gagsaenq”, geiqmaenh gij sawjmingh moq “sam daih dinghvih”, doeksaed gij iugouz moq “haj aen netsaed”, haenqrengz sij ok bien faenzcieng moq hwngfat Guengjsae.

——Raeuz itdingh aeu dingj- maenh aen dangj lingjdauj. Cunghgoz Gungcanjdangj daiqlingx dwg gij genjaeu lizsij caeuq lwgminz, dwg giz leih’ik、vuenyungz gak cuz lwgminz. Cingq dwg aenvih miz aen dangj maenh’ak daiqlingx, aen Cunghvaz Minzcuz souhhoj gaenq nanz cijndaej gietsat aen gugmienh dauqcawq faenmbek、sanqnyangnyang haenx, ciepcoux gij bonghyat hung- mbwk daj ndwn hwnjdaeuj、fouq hwnjdaeuj daengz ak hwnjdaeuj. Hix cingq dwg aenvih miz aen dangj maenh’ak daiqlingx, Guengjsae cij- ndaej saedyienh “faexdiet cien bi ndaej hai va, faexhaemz fanh bi ndaej buen gya, gak cuz lwgminz ndaej danggya”. Aeu giengiet henhoh gij diegvih haedsim Siz Ginbingz cungjsuhgi, giengiet henhoh gij gienzvi caeuq gij daiqlingx gyonjcomz doengjit Dangjcunghyangh, gagrox youq swhsiengj fuengmienh cwngci fuengmienh hengzdoengh fuengmienh caeuq Dangjcunghyangh baujciz doxdoengz gig sang, saedbauj gak hangh fuengcim daihcwng aen dangj cienzbouh doeksaed daengz gizsaed bae, saedbauj aen dangj itloh cungj bienqbaenz diuz ndoksaen gak cuz lwgminz, gyonjcomz hwnj gij rengz hungloet swnj gonq bae naj、caezsim cauhguh aen loqsiengj lwglan Betgveiq.

——Raeuz itdingh aeu dingj- maenh diuzroen sevei cujyi miz daegsaek Cungguek. Yiengh sevei cujyi miz daegsaek Cungguek dwg aen fuengyiengq goekgaen Cungguek hwngfat baenaj ciuhneix. Cijmiz byaij diuzroen yiengh sevei cujyi miz daegsaek Cungguek, cijndaej mwn- hoengh gak minzcuz、hwngfat gak minzcuz、saenqhwng gak minzcuz. Aeu dingjmaenh sien fouq bang laeng fouq、byaij diuzroen caezcaemh fouqmiz, gyadaih haeujcoengh ranghdieg minzcuz, hawj vunzcungq gak cuz cungj roxnyinh daengz gij raeujrub aen ranzhung sevei cujyi. Dangjcunghyangh yawjnaek Guengj- sae hwngfat dangqmaz, gonqlaeng baecinj gij gviveh saedhengz Bwzbuvanh ginghcigih hwngfat、gviveh dieggyaeu Gveilinz gozci lijyouz hwnqguh、gviveh ranghdieg ginghci Cuhgyangh——Sihgyangh hwngfat、gviveh dieggeq gwzming Cojgyangh Yougyangh saenqhwng, saedyienh aen canloz guekgya cwdoh daengx Guengjsae. Cibbet Daih aen dangj doxdaeuj, cunghyangh caizcwng cien- monz bued cienzngaenz hawj Guengjsae mauhgvaq it fanh ik maenz, gij hanghmoeg roengzbonj ndaw cunghyangh yawhsuenq hawj Guengj- sae haenx mauhgvaq 5 fanh aen. Gaenriengz rengzguek cunghab mboujduenh dem’ak, daj neix hwnj haeujcoengh Guengjsae cij miz gyaak mbouj miz gemjnyieg、cij miz demlai mbouj miz gemj noix.

——Raeuz itdingh aeu dingj- maenh aen leixniemh hwngfat moq. Guengjsae hwngfat cingzcik yienhda, hoeng vanzlij dwg ranghdieg caengz fatdad geijlai. Aeu swnh’wngq gij maqmuengh haenqrem guengjdaih ginzcung, giendingh mbouj bienq dawz hwngfat dangguh aen hongsaeh youqgaenj daih’it, fatok gij ndei laeng fat, doidoengh ginghci lienzdaemh cangq- heiq hwngfat, cugbouh sukiq gij cengca caeuq ranghdieg fatdad、sukiq gij cengca hwngfat baihndaw swcigih. Aeu hab’wngq gij iugouz hwngfat caetliengh sang, aeu doihaeuj gaijgwz gij gapgyaq mbiengj gunghawj guh cawjsienq, youq doidoengh canjnieb guhndei swnggaep、cienjbienq fueng- sik hwngfat、daezsang naengzlig cauhmoq fuengmienh roengz goengfou, roengzrengz saedyienh ginghci bingzonj demmaj caeuq caetliengh yauqik daezsang doxcoi caez haeuj. Gij ndeicawq swnghdai Guengjsae gim vuenh mbouj daeuj. Aeu hengzguh aen leixniemh bya heu raemx loeg couh dwg bya gim bya ngaenz, gyaak ceihleix swnghdai vanzging, yiemzgek caepfap baujhoh vanzging, sawj biengzdeih Betgveiq bya seizseiz heu、raemx seizseiz saw、hoengheiq seizseiz singjsien.

——Raeuz itdingh aeu dingj- maenh cienzmienh gyalaeg gaijgwz caeuq gyadaih hailangh. Gaijgwz hailangh dwg aen banhfap youqgaenj gietdingh minghyinh Cungguek ciuh- neix, hix dwg giz youqgaenj guhdaengz fouq lwgminz hwng Guengjsae. Gaijgwz mbouj miz mwh sat, hailangh mbouj miz geizhanh. Aeu swnh raq rumzcin gaijgwz hailangh 40 hopbi, aeu miz mbei gag gaijmoq, aeu gij hengzdoengh rengzrwd, haeujlaeg doicaenh gaijgwz aen lingjyiz youq- gaenj caeuq aen hothoh gvanhgen, haeujrengz buqcawz gak cungj beih- bingh dijci gihci, gyarengz gaijndei aen vanzging guh seng’eiq, vih hawciengz cawjdaej demlai vuedlig, vih cungqvunz demlai bienhleih. Aeu cengqrengz hengzguh aen canloz aeu hailangh daiqdoengh, ndwn giz dieg “van ndeu lomxdawz cib’it guek, ndeindei lienzdoengh doeng gyang sae” gag miz neix, cuengq ok gij rengzndumj “haij”、gik hwnj gij rengzlig “dah”、 guh gaeuq bien faenzcieng “bien”, engq ndei yungz haeuj hwnqguh “it rangh it loh”, dajcauh aen gwzgiz moq cienz fuengvih hailangh hwngfat.

——Raeuz itdingh aeu dingj- maenh youq ndaw hwngfat baujcang caeuq gaijndei lwgminz gwndaenj. Guengjsae gawq dwg dieg minzcuz, hix dwg dieg henzguek caeuq dieg gungzhoj, gij ginzcung hojnanz lai, gij hojnanz ginzcung lai. Aeu dingjmaenh gij hwngfat swhsiengj aeu lwgminz guh cungsim, lai guh gij saehsaed lwgminz gwndaenj、lai gej gij saehnanz lwgminz gwndaenj, hawj gij cwngzgoj gaijgwz hwngfat engq lai engq goengbingz ndei daengz gak cuz lwgminz. Aeu raphwnj gij cwngci cwzyin gunggeng duetgungz, baijok boux ceiq rem、dawzcinj yungh cwngcwz, comz rengz haeuj dieg gig gungzhoj caeuq gyoengqvunz gungzhoj daegbied, saedbauj youq gwnz roen cienzmienh siujgangh mbouj noix saek giz、mbouj doek saek aen minzcuz. Aeu gaemndaet ndawbiengz cujyau mauzdun bienqvaq, gyonjcomz rengzlig guh ndei gij minzswngh gensez ndeidoh、goekdaej、gvaegdaej haenx, roengzrengz gaijgez ndei doengh gij vwndiz couhnieb、sebauj、gyauyuz、ywbingh、ranzyouq cungq- vunz ceiq gvansim haenx, netsaed bae banh ndei moix gienh saehsaed lwgminz gwndaenj, hawj saedceij lwgminz bi ndei gvaq bi.

——Raeuz itdingh aeu dingj- maenh caeuq laebndei aen cidu ranghdieg minzcuz gagguenj. Aen cidu neix doekrag youq ndaw lizsij conzdungj Cungguek, hab gij gihbwnj cingzgvang guek raeuz lai minzcuz doengjit, dwg yiengh cauhnduj hungmbwk dangj raeuz caeuq daengx guek gak cuz lwgminz. Ranghdieg minzcuz gagguenj dangguh hangh cwngci cidu gaenbonj ndeu nyengh mbouj ndaej doenghngauz, gidij cwngcwz banhfap caeuq saedyienh hingzsik aeu yawj dieg dinghgeiq、caeuq seizdaih caez baenaj, engq ndei guhdaengz doengjit caeuq gagguenj dox giethab, gij yinhsu minzcuz caeuq gij yinhsu ranghdieg dox giethab. Aeu dingjmaenh dawz minzcuz doxgiet dangguh gij doxgaiq ceiq youqgaenj gak cuz lwgminz, aeueiq cabied、bauyungz lai yiengh、gyahung cingjdaej, gyadaih gyaulouz baedauq caeuq yungzhab, dajcauh diuzgienh hawj gak minzcuz youq ndawbiengz doengzcaez caemh youq、doxcaeuq hagsib、itheij guhhong、caezgya angqyangz, sawj gij swhsiengj Bouxgun liz mbouj ndaej siujsoq minzcuz、siujsoq minzcuz liz mbouj ndaej Bouxgun, gak siujsoq minzcuz hix dox liz mbouj ndaej engqgya haeujlaeg daengz ndaw sim cungqvunz. Aeu dingjmaenh yungh faplwd baujcang minzcuz doxgiet, coicaenh minzcuz baenaj. Gak cuz lwgminz aeu laebmaenh gij yawjfap cingqdeng gvendaengz guekcoj、gvendaengz lizsij、gvendaengz minz- cuz, mboujduenh couqmaenh gij eiqsik caezcaemh aen Cunghvaz Minzcuz ndeu, hanh lae youq giz ndeu, gamjcingz yungzhab youq giz ndeu, lumj ceh sigloux ityiengh gotndaet youq giz ndeu.

Gyoengq dungzci、gyoengq baengzyoux！

Va hai giet mak roekcib bi, seizdaih moq coi raeuz haenqrengz baenaj. Raeuz aeu engqgya gaenjmaed doxgiet youq seiqhenz aen Dangj- cunghyangh aeu Siz Ginbingz dungzci guh haedsim haenx, doxcaemh simhoz、caez ok cawjeiq caez okrengz, gaijgwz cauhmoq、laemxsim baenaj, vih “cauhlaeb aen Gvangjsih gyaeundei saedyienh aen loqsiengj fukhwng” haenqguh mbouj dingz！