Geij bi neix daeuj, Denzlinz Yen doenggvaq gij hanghmoeg ngaenzgoek guekgya yisuz bangcienz saeqsim dajveh cauhguh haenx——Daihhingz heiqdaizheiq Heiqcuengh 《Mehyauz》 ndaej gaiq daihcib Gvangjsih langhbaij heiq daihhingz heiqmoeg comzyienj “ciengjdoengz myokgveiq” le, faenbied bae Yunghcouh Heiq- ciengz、Gvangjsih Minzcuz Dayoz、Baksaek Yozyen、Denzyangz Yen、Yinznanz Cwzhwngh Yen daengj dieg haiguh cunzdauq yienjok hozdung 40 ciengz, moix ciengz yienjok cungj ndaej bouxyawj haenhndei.

Ciuq cam rox, aen yienh neix miz feihvuzciz vwnzva yizcanj baujhoh mingzloeg 27 hangh. Ndawde, yienh gaep 8 hangh, si gaep 10 hangh, swcigih gaep 8 hangh, guekgya gaep hangh ndeu; bouxswnjcienz daiq- biujsingq swcigih gaep 6 boux, boux- swnjcienz daiqbiujsingq si gaep 10 boux; laeb miz 8 aen gizdieg son hag baujhoh feihvuzciz vwnzva yizcanj guekgya gaep caeuq swcigih gaep; danvih baujhoh vwnzvuz 22 dieg. Gonqlaeng ndaej aen cwngheuh “giz- dieg yenzgiu swnjcienz Heiqcuengh Cungguek”“gizdieg Baksaek cauhguh yenzgiu heiq minzcuz vunznoix Cung- guek”“aen dieg yisuz vwnzva ndaw- biengz Cungguek 2014～2016 nienz- doh (Heiqcuengh)” “aen dieg vwnzyi daegsaek(Heiqcuengh)” daengj Cung- guek Vwnzvabu、Aen Yozvei Heiq Minzcuz Vunznoix Cungguek、Swcigih Vwnzlenz aeu hawj haenx, vih caenh- itbouh guh ndaej ndei aen binjbaiz vwnzva minzcuz dwk roengz giekdaej maenhsaed.

(Yenj Cinbyauh)