（ciep geizgonq）

4.Gaemndei duivuj lauxsae gen- sez, dwg gij hong gvanhgen saed- niemh. Hawj lauxsae beizyin Sawcuengh gihcuj cihsiz cangz- gveihva. Moix haggeiz cawzliux baijok lauxsae camgya gih gaep beizyin le, yaubwnj beizyin caemh gingciengz guh, yungh gaghag、doxcomz hagsib caeuq boux bang boux daengj hingzsik haiguh. Moix haggeiz dingh seizgan haiguh Sawcuengh dangzgyauyenz、 dangzgoenghai、dangzguhyiengh. Gujli lauxsae ndeindei cwkrom sonhag gingniemh, cizgiz biensij Cuengh Gun song saw vah gyauyuz sonhag lunvwnz. Cijmiz yienghneix guh, dujva Cuengh Gun song saw vah sonhag cijndaej ciengxlwenx hailangh.

Sam. Sonhag Saw- cuengh yinxdaeuz, swnj- cienz minzcuz vwnzva

Sonhag Sawcuengh liz mbouj hai Bouxcuengh vwnzva gaiq diegbiz neix, minzcuz vwnzva swnjcienz sonhag, caemh yaek aeu sonhag Sawcuengh guh gyaeujlungz, sawj gyoengqde doxbang doxgap, caezgya ndaej miz leih.

Geij bi neix daeuj, hagdangz raeuz heux “swnjcienz minzcuz vwnz- va, son guh vunz moq Mbanjcuengh”gij banhhag moegbiu haenx, caenh- rengz vih minzcuz conzdungj vwnzva sonhag, doenggvaq guh aen “minzcuz fungcingz caeuq vwnzmingz hag- dangz” “aen ciet conzdungj caeuq rengzhoengh hagdangz”“minzcuz dijyuz caeuq cangqheiq hagdangz”“Bouxcuengh go fwen caeuq yisuz hagdangz”“minzsuz vwnzva caeuq cwzyin sonhag” haj cungj yaubwnj gocwngz, dawz daihlwg fatyiengz minzcuz vwnzva guh giz cap haeuj, cungfaen dawzok gij youhsi hagsib Sawcuengh, hopheux minzcuz gyauyuz “roek gaiq it” gunghcwngz, hawj aen hozdung minzcuz vwnzva byaijhaeuj hong hagdangz caeuq dwzyuz、 Cuengh Gun song saw vah sonhag sawqniemh dox giethab hwnjdaeuj, haicauh hagsib Sawcuengh gizmen moq.

1.Hwnjguh giz gencuz miz minz- cuz daegsaek geiqhauh ndeu. Daj aen bakdou hag gig miz minzcuz daegsaek he, daengz gyausiz banhgiz vwnzva gensez, daengx aen hagdangz gizgiz cungj yienh’ok gij minzcuz daegsaek Bouxcuengh raeuz.

2.Bouxboux ceiq noix rox eu hot fwen Vahcuengh ndeu. Hagdangz raeuz cingj Vangz Denhhwngz lauxsae daeuj cijdauj hagseng biencauh go fwen caeuq sonhag, de yienzlaiz dwg Vujmingz Yen Vwnzva’gvanj laux gvanjcangj caeuq boux bonjdieg ndawbiengz guh yisuz he, miz de daeuj hagdangz cijdauj, cungj guh ndaej- daengz bouxboux rox eu fwen. Hwnjdangz seiz, hagseng sien eu fwen, moix ngoenz gvangjbo cuengq gij fwen gag biensij haenx, moix bi banh bangaep eu fwen doxdax. Hagdangz vanzlij laebbaenz aen “Lwg Gingloz” yisuzdonz, cizgiz haiguh hozdung minzcuz vwnzva haeuj hagdangz.

3.Daengx hagdangz hagseng caeuq lauxsae caez daenj dauqbuh miz Bouxcuengh minzcuz daegsaek. Youq moix aen singgeiz it swng gozgiz yizsi caeuq aenciet hung hozdung, iugouz lauxsae hagseng doengjit daenj dauq- buh minzcuz haenx, baijok gij cing- saenz fungmauh lauxsae hagseng.

4.Bouxboux rox cungj minzcuz conzdungj dijyuz hanghmoeg ndeu. Dawz diuq fouxfaexsaux、 bau aen- domq、ringx gengxdiet、dwkgyangq、dwkcik、 dwkgingq daengj minzcuz conzdungj dijyuz hanghmoeg yungz- haeuj dijyuz goqdangz bae, cungfaen baijyienh gij vwnzva dijyuz maenhndei Bouxcuengh raeuz, sawj hagseng youq ndaw camgya hozdung gocwngz haenx caenndang bae gamjsouh gij yinx- daeuz minzcuz vwnzva caeuq gij coengmingz minzcuz, beizyangj hag- seng gij yiliz giendingh、gij cingsaenz buekguh baenaj caeuq gij bonjsaeh donzdij doxgap guh.

5.Laebguh funghranz langhbaij caeuq aen suen Mbanjcuengh gig miz minzcuz daegsaek he. Hawj minzcuz vwnzva son’gyauq ndaej yungh dox- gaiq caen daeuj baijyienh, sawj hagseng daejniemh daengz lauzdung yinzminz gig coengmingz caiq miz ligliengh fouzhanh, caiq gikhwnj gyoengqde gingqboiq dangqlaux, ndiepgyaez minzcuz vwnzva.

6.Moix bi gawjbanh aen ciet swnjcienz minzcuz vwnzva. Moix bi sam nyied sam gonqlaeng, vih ndaej baijyienh hagdangz swnjcienz minzcuz vwnzva cwngzgoj, hawj ndawbiengz yisuz、minzfungh minzsuz、minzcuz dijyuz caeuq gij doxgaiq gwn feih Bouxcuengh raeuz ndaej youq ndaw hag baijyienh, daj 2011 nienz hainduj gaenq gawjbanh ndaej baenz 6 gaiq ciet swnjcienz vwnzva Bouxcuengh. Aen hozdung yienghneix ndaej dawz cihsaw minzcuz、ndawbiengz yisuz caeuq minzcuz vwnzva dox yungzhab youq itheij, gveihmoz yied banh yied hung, daengjgaep yied banh yied sang, yingjyangj yied daeuj yied gvangq, mboujduenh daezsang banhhag binjvei.

Seiq. Aeu ndaej cingz- cik gig lai, gikcoi laebdaeb baenaj

1.Sij Cuengh Gun song saw vah lunvwnz doxdax camgya swngj、si、yienh cungj ndaej ngeih daengjciengj doxhwnj.

2.Camgya Gvangjsih Cuengh Gun song saw vah sonhag gogen doxdax ndaej daengz ngeih daengjciengj.

3.2015 nienz camgya daengx guek siujyoz lauxsae veihgoq doxdax ndaej sam daengjciengj.

4.Sij lai bien Cuengh Gun song saw vah lunvwnz fatbiuj youq gwnz《Gangj Cuengh Gun Song Saw Vah It Sienq Lauxsae》《Sam Nyied Sam》 caeuq《Gvangjsih Minzcuz Bau》.

5.2014 nienz ndaej bingzguh 《Gvangjsih Minzcuz Bause》 cib ndei dunghsinyenz.

6.2014 nienz bingz ndaej Vuj- mingz Yen lauxsae maenhndei.

7.2013 nienz ndaej bingzhwnj Nanzningz Si sonhag guzgan.

8.2016 nienz 5 nyied ndaej bingzhwnj Gvangjsih bak boux Cuengh Gun song saw vah mingzswh beizyangj gunghcwngz “beizyangj duisieng maenhndei”.

9.Ndaej bingzhwnj haujlai baez Daibingz Cin lauxsae maenhndei caeuq bouxguhhong gyauyuz maenh- ndei.

10.2017 nienz 3 nyied bingzhwnj “Nanzningz Si Cuengh Gun song saw vah sonhag lauxsae maenhndei.”

11.Bi 2017 Nanzningz Si minzcuz doxgiet cwnghvwnz doxdax ndaej sam daengjciengj.

12.2017 nienz 12 nyied camgya Vujmingz Gih dangzgoq ndei Saw- cuengh doxdax ndaej it daengjciengj.

13.2018 nienz 9 nyied camgya Vujmingz Gih lauxsae Vahcuengh biucinj doegsaw doxdax ndaej it daengjciengj.

Doenghgij cingzcik neix dwg daiqbiuj doenghbaez, coglaeng gou yaek aeu caeuq doenghbaez ityiengh roengzrengz guhhong, daiqlingx gyoengq lauxsae hagseng dawz gij hong song saw vah sonhag hagdangz caeuq minzcuz vwnzva gyauyuz haiguh ndaej engqgya miz cingzyauq, engqgya cien gaiq fanh yiengh, cizgiz dajcauh aen hagdangz lajmbanj miz Mbanj- cuengh daegsaek okmingz ndeu, mbouj hawj gij lingjdauj beizyangj、 hagseng ndiepgyaez gou haenx saet- muengh.

（sat）