Seizciet ngamq haeuj doeng, vunzlai gak mbanj Hozbingz Yangh Sanhgyangh Dungcuz Swciyen cungj nyaengq naengj guh faenjmaenz, vih hawciengz nienzhuq bwh ndei doxgaiq swnghdai. Canjnieb maenznding dwg gij canjnieb ndei cienzdoengj Hozbingz Yangh, geij bi neix daeuj, aen yangh neix yungh “hozcozse+nungzhoh+gihdi”vunqsik dajndaem maenznding 500 lai moux, seizneix gaenq guhbaenz aen cangj gyagoeng faenjmaenznding 4 aen, diengzhong gyaranz 258 ranz, binaengz gyagoeng maenznding 120 fanh gaen, canjciz daih’iek 220 fanh maenz, haeuj doeng le, vunzmbanj mbouj okdou couh ndaej moix ranz bingzyaenz laisou 2800 maenz doxhwnj, rengzrwd bang vunzlai dangdieg vut gungz baenz miz. (Gungh Bujgangh/龚普康）