“Ndaw mbanj roen bu daengz bakdou ranz, dou ok rog fuengbienh haujlai, bae haw、bae guh hong cungj gwih cimohdoz ndaej.” Mboengq- neix, vunzmbanj Vangz Gvanghmou ranz youq Denhngoz Yen Bohgez Yangh Nazgou Cunh Mbanjgyauhbi vix diuzroen gvangqlangh haenx naeuz.

Geij bi neix daeuj, aen yienh neix haenqrengz doicaenh hwnjguh roenmbanj, haenqrengz gaijgez gij vwndiz vunzlai ok rog hoj, vih daengx yienh vut gungz duet mauh dwk roengz giekdaej maenhsaed. Daengz seizneix, daengx yienh 804 aen mbanj 20 ranz doxhwnj gaenq hwnj- guh baenz roen doeng mbanj, ndawde, roenrinsa 343 diuz、roen- suijniz 461 diuz.

Aen yienh neix doenggvaq cingjhab gij ngaenzcienz gvendaengz lajmbanj caizcwng daengj fuengsik, bued roengz 5.21 ik maenz saed- hengz ciengz ciengq hengzdoengh daezswng roen yienh roen yanghcin roen mbanj, swnggaep dajndongj roen lienz yienh yangh 3 diuz 77.2 goengleix, swnggaep dajndongj roen doeng mbanj 253 diuz 869.18 goengleix, guh roen moq doeng mbanj 98 diuz 364 goengleix, lienz- daengz conghdoh caeuq ciengz- daengjnamh daengj gij giekdaej bengx roen 40 aen. Linghvaih, aen yienh neix gaenxmaenx cingjhab gij ngaenzcienz hanghmoeg yizminz yungh guh hwnjguh caeuq dajndongj roen mbanj yizminz.

Seizneix, aen yienh neix cunh gaep doxhwnj roenloh cungjlijcwngz 1300 goengleix, ndawde, roen guek 78.5 goengleix、roen sengj 213.69 goengleix、roen yienh 124.8 goeng- leix、roen yanghcin 185.9 goengleix、roen cunh gaep 697.19 goengleix.

(Banh Suhungz)