10 nyied 30 hauh banringzgvaq, Gveilinz Si Gunghcwngz Yauzcuz Swciyen daih’it aen “Cehgenh Ruzgungz Guhhong” youq Gyahvei Cin Gizsanh Cunh Gizsanh Dajndaem Go’ngaih Conhyez Hozcozse venjbaiz laebbaenz.

Ciuq cam rox, Gizsanh Go’ngaih Conhyez Hozcozse youq 2016 nienz laebbaenz, Dangqnaj haeuj se nungzhoh miz 56 hoh, ndawde hohgungzhoj miz 27 hoh. Ciengzgeiz youq ndaw cangj guhhong hohgungzhoj miz 6 vunz, moix vunz moix ndwen ngaenzhong 2000 maenz daedauq, gyoengqde moix ngoenz 9 diemj cung hwnjban, banringz- gvaq 5 diemj cung roengzban, seizndwi lij ndaej ma ranz guenjleix gij canjyez ciengx ndaem bonjfaenh, lai diuz loh ndaej guh hoengh ginghci demsou.

(Cwng Ciminj/郑智敏 Luz Vwnzcing/陆文静)