Sai:

Ngoenzneix dou hwnj daiz,

Fwen hawj vunzlai dingq,

Aeu re aiswhbingh,

Itdingh aeu roengzrengz.

今天上台真高兴，总想高歌众人听，

艾滋病毒要预防，一定齐心搞才行。

Mbwk:

Ngoenzneix dou hwnj daiz,

Fwen hawj vunzlai rox,

Deng aiswh cezmoz,

Sinhoj gangj mbouj ok.

今天我们上歌台，对着众人把口开，

艾滋病人受折磨，痛苦也说不出来。

Sai:

Aiswhbingh cienzboq,

Mbouj rox couh aeu dingq,

Lwed mehlwg caeuq singq,

Sam aen duzgingq dog.

艾滋病毒怎传播， 不懂就要听我说，

血液、母婴和性事，三个途径要记着。

Mbwk:

Aiswhbingh leihhaih,

Wnggai aeu yifangz,

Gak boux gag gyaez ndang,

Ndang cangq cij miz laeng.

艾滋厉害也不慌，我们应当搞预防，

洁身自爱要保证，身体健康有保障。

Sai:

Mehyah ndiep bouxgoeng,

Doxhuz mbouj doxnauq,

Laeg caeuq vunz doxcauq,

Angqvau daj ndawranz.

老婆都疼爱老公，两人心同意也同，

在外千万别乱搞，幸福才能自家中。

Mbwk:

Bouxgoeng ndiep mehyah,

Gaej ngah gij nywj rog,

Ngamq gyaez mehyah dog,

Nauz ndaej bingh couh vaih.

当着老公疼老婆，外面野草别乱摸，

只对妻子一个好，不然染病就啰嗦。

Sai:

Langh mehmbwk ndaej bingh,

Itdingh aeu roxndeq,

Mbouj wng aeu lwgnyez,

Mboujnex rox cienz roengz.

艾滋病毒孕妇带，最好不要生小孩，

否则生了会后悔，婴儿病从母亲来。

Mbwk:

Daiq bingh seng lwgnyez,

Roxndeq cam cingq deng,

Naeuz hawj seng cij seng,

Gaej nyengh naeuz yaek aeu.

如果带病生小孩，先问医生该不该，

医生说不你别想，他们同意你才怀。

Sai:

Buenq doeg dwg haih vunz,

Gwn doeg haih swhgeij,

Song yiengh cungj mbouj ndei,

Geiq liz gyae cij baenz,

贩毒是把别人害，吸毒自己死活该，

贩毒吸毒都不好，自己要把自己埋。

Mbwk:

Gwn doeg haih swhgeij,

Bingh neix cienz bouxwnq,

Haih gaeq youh haih vunz,

Youq lajmbwn baenz yak.

吸毒自己找死路，还给别人传病毒，

吸毒害人又害己，活着还有何用处？

Sai:

Aiswhbingh cienzboq,

Rox le sim cij an,

Doengzcaez youq caemh ranz,

Aeu naidanq bouxbingh.

艾滋病毒的传播，懂了心里有着落，

如与病人同屋处，安慰病人抗病魔。

Mbwk:

Fangz sam aen cienzboq,

Rox le fangz ndaej ndei,

Ndaej bingh neix fouz ceih,

Caezgya aeu geiq maenh.

知道怎么被传播，及时预防没有错，

艾滋现在没法治，大家牢记在心窝。