Baeznaengz ngoenzhaw rox- naeuz ngoenzciet, vunzlai gak cuz gyoengq mbanj Swhyenz Yen Hozgouj Yauzcuz Yangh caeuq aen yienh aen yangh henzgyawj cungj daeuj aen yangh neix ganj haw, guh gaicawx doxgaiq reihnaz、eu fwen gyau youx、youzcet ingjsiengq daengj hozdung.

Neix dwg gij bienqvaq Swhyenz Yen hwnjguh daegsaek lijyouz, dajcauh cingbinj vwnzva Mbanjyauz aeundaej haenx. Geij bi neix daeuj, aen yienh neix ciengj gaem hwngfat seizgei, cingjhab ngoenz angqhoh laeb minzcuz yangh、ngoenz angqhoh laeb yienh、hwnjguh lajmbanj hawsingz yienghmoq caeuq hwnjguh lajmbanj “Swhyenz gyaeundei” daengj lai fuengmienh swhyenz, youq hwngfat ginghci doengzseiz, ciuq dieg bae hwngfat doicaenh hwnjguh cingbinj vwnzva Mbanjyauz, doiq ndaw haw guh dajcang、cang daeng henz roen、ndaem faex ndaem va, doiq aen mbanj daegsaek guh dajcang, hwnjguh aen camh youq- ndwi vwnzva. Ciuq gyoepsuenq, daj bi 2014 doxdaeuj, Hozgouj Yauzcuz Yangh gungh cingjhab bued cienz 1 ik lai maenz, hengzguh gaijcauh yienghsiengq、gaijguh hawciengz nungzmou、hwnjguh giuzbumz daengj hanghmoeg gungh 50 lai aen.

(Suh Siujginz)