10 nyied 24 hauh daengz 31 hanh, Gvangjsih Daihcibseiq Gaiq Saujsu Minzcuz Conzdungj Dijyuz Yindungvei youq Cungzcoj Si gawj- hengz. 10 nyied 24 hauh banhaemh gawjhengz le aen yizsi gaihmusi, Swcigih Cwnghez cujsiz Lanz Denh- liz senhbu yindungvei gawjhengz, Swcigih fucujsiz Vangz Cinvaz gangj vah gaihmu. Swcigih Minzcunghveij dangjcuj suhgi、cujyin Hoz Cauzgen gaemguenj aen yizsi gaihmusi.Cungzcoj Siveij suhgi、Si Yinzda Cangzveijvei cujyin Liuz Youjmingz gangj vah’angqcoux, Guekgya Minz- veij Vwnzva Senhconz Swh fuswh- cangj Cungh Dingzyungz doeg saenq angqhoh.

Gaiq yindungvei neix youz Swcigih Yinzminz Cwngfuj cawjbanh, Swcigih Minzcunghveij caeuq Sw- cigih dijyuzgiz sonyinx, Cungzcoj Si Yinzminz Cwngfuj ciepbanh.

24 hauh haemh haenx, youq Cungzcoj Si Dijyuz Cunghsinh Dijyuzgvanj, Gvangjsih Daihcibseiq Gaiq Saujsu Minzcuz Conzdungj Dijyuz Yindungvei aen yizsi gaihmu- si youq 7 diemj 30 faen ciuqseiz gawjhengz. 14 aen si (laeb miz gih) caeuq Gvangjsih Dayoz、Gvangjsih Swhfan Yozyen、Gvangjsih Dijyuz Gauhdwngj Conhgoh Yozyau 5 aen gauhyau gyoebbaenz 19 aen daibyaujdonz, riengz mbaw geizguek caeuq geizhoih Gvangjsih saujsu minzcuz conzdungj dijyuz yindungvei veigiz haeuj veicangz.

Vangz Ginvaz youq gangj vah- gaihmu seizhaenx naeuz, saujsu minzcuz conzdungj dijyuz yindungvei dwg aen hoihhung ndeu, aeudaeuj cazyawj gij suijbingz gih raeuz minzcuz dijyuz hwngfat ndaej baenz- lawz、baijok gij yienghsiengq cing- saenz gvendaengz dieg minzcuz caeuq ginzcung saujsu minzcuz. Swcigih Dangjveij、Cwngfuj soqlaiz gig yawj- naek hwngfat hongsaeh minzcuz dijyuz, lai fuengmienh gvensim nem haeujcoengh ndawbiengz gih raeuz gaenq lai baez gawjbanh saujsu minzcuz conzdungj dijyuz yindung- vei, hawj gih raeuz minzcuz conz- dungj dijyuz yindung ndaej lailai hwngfat, gij saeh minzcuz dijyuz caeuq ginzcung cangqndang haenx hwnghoengh hwngfat. Daj bi 1982 gawjbanh daih’it gaiq saujsu minzcuz conzdungj dijyuz yindungvei daeuj, daengz seizneix gih raeuz gaenq ndaej laebdaeb swnhleih gawjbanh 13 gaiq yindungvei, neix gig mizrengz dwk doidoengh gih raeuz gij hongsaeh minzcuz dijyuz nem ginzcung dijyuz yindung ndaej hoenghhwd hwngfat, coicaenh gak minzcuz doxgiet.

Gaihmusi vwnzdij yienjok aeu“youq seizdaih moq comzrengz·hawj Byaraiz baij yienghlengj”guh cawj- daez, baugvat“angqcomz Byaraiz、diemzvan henzguek、Mbanjcuengh ciengqgo、haenqrengz baenaj”daengj 4 aen bouhfaenh, aeu vwnzva Byaraiz mbaw mingzben seiqgyaiq gaep neix guh gizhaeuj, cungfaen baijok gij yienghsiengq vunz Mbanj- cuengh youq seizdaih moq.

Gaiq yindungvei neix laeb miz hanghmoeg doxdax caeuq hanghmoeg biujyienj, gij hanghmoeg doxdax baugvat bauqva、giuzcaw、saujsu minzcuz dwkgienz daengj 15 aen hanghmoeg hung 93 aen hanghmoeg iq, gij hanghmoeg biujyienj miz loihdoxdax、loihgisuz、loihcunghab daengj sam loih, 2032 boux yindungyenz camgya doxdax.

Ciuq cam rox, gaiq yindungvei neix doenghgij daibyaujdonz camgya yindungvei、hanghmoeg doxdax、vunzsoq camgya daengj cungj lai gvaq gaxgonq. Doenghgij daibyauj- donz youz gaiq gonq 16 aen gyalai daengz gaiq neix 19 aen, laigya le Gvangjsih Dayoz、Gvangjsih Swhfan Yozyen、Gvangjsih Swhfan Dayoz 3 aen gauhyau daibyaujdonz; doenghgij hanghmoeg doxdax youz gaiqgonq 12 aen hanghmoeg hung 60 aen hangh- moeg iq gyalai daengz gaiq neix 15 aen hanghmoeg hung 93 aen hangh- moeg iq, gyalai le dikgiuzduk、buengqnengh、duzgoep gaeb nonhaih daengj hanghmoeg moq, caenh- itbouh vatgud nem baijyienj le gij daegsaek minzcuz dijyuz gih raeuz, engq ndei dwk swnjcienz nem hwngfat gij vwnzva baengh rengzndaw minzcuz dijyuz gih raeuz.