10 nyied 31 hauh daengz 11 nyied 1 hauh, bi 2018 Gvangjsih gvangjbo cezmuz doxcomz yaengbingz cezmuz ruzgungz caeuq vah minzcuz cienzdaez hozdung, youq Lungzlinz Yen haiguh. Swcigih Sinhvwnz Cuzbanj Gvangj- dengiz bouxyaengbingz《Yawj Dingq Yaengbingz》camgya le hozdung.

Hozdung yaengbingz gungh sou ndaej Baksaek Si 12 aen yienh、gih cezmuz vah minzcuz 28 gienh(diuz), gyoengq lauxhangz doenggvaq ngonz benqyawj、dingq boiqyaem daengj fuengsik doiq gij cozbinj senjsoengq haenx guh diemjbingz, nyinhnaeuz：Gij cezmuz Cingsih、Denzyangz、Lungzlinz daengj yienh si, neiyungz lai yiengh, dep heiqnamh, miz daegsaek. Lij naeuz：Hong fanhoiz aeu guh daengz cinjdeng mbouj loek, doengsug ngaih rox, caenhsim guhdaengz noix ciq Vahgun, louzce daegsaek vah minzcuz.

(Yiz Ciz/余 执)