Vih angqhoh Swcigih laebbaenz 60 hopbi, caenh’itbouh langhbaij gij cwngzgoj cauhguh vwnzyi, hawj gij vwnzva saedceij vunzlai lai cungj lai yiengh, caux ok gij heiqfaenh angqhoh vwnzva nauhyied, ndwen 11 ngoenz 2, Denzyangz Yen youq Denzcouh Guj- cwngz banh angqhoh Swcigih laeb- baenz 60 hopbi vunzlai vwnzva hoz- dung vwnzyi cezmuz yienjok doxdax, baez doxdax neix cawjdaez dwg “caemh ciengq go diuq foux·caez guh aen siengjmuengh Cungguek”. Doxdax faen miz yencizcuj、yanghcincuj, gak cuj cungj laeb it、ngeih、sam daengjciengj gak mingz ndeu.

Cezmuz camgya doxdax yungh fatyiengz sevei cujyi hwzsinh gyaciz- gvanh、fanjyingj “aen siengjmuengh Cungguek” guh seizdaih cawjdaez, yienh’ok gij yaem’wenq gyaez guek cujyi. Ginggvaq doxdax, diuqfoux 《Seizciet Fungfouq》Aenduenz Yisuz Gamjcuengh biujyienj haenx、diuqfoux 《Cungguek Nding Giujwz》Aenduenz Yisuz Mancuengh biujyienj haenx、diuqfoux 《Siengjniemh Hungzcizginh》Aenduenz Yisuz Gamjcuengh biujyienj haenx faenbied ndaej yencizcuj it、ngeih、sam daengjciengj, diuqfoux 《Loq Dauq Mbanjranz》Aenduenz Biujyienj Diuqfoux Bohhungz Cin Bohdanh Cunh biujyienj haenx、diuq- foux 《Yienz Dajsiuq》 Aendoih Vwnzyi Bwzman Nazboh Cin biujyienj haenx、diuqfoux 《Guh Haizbing》 Aendoih Vwnzyi Sanhdungz Nazmanj Cin biujyienj haenx faenbied ndaej yangh- cincuj it、ngeih、sam daengjciengj. Doxdax soengq ciengz heiq fungfouq ndeiyawj ndeu daeuj hawj gyoengq vunzlai, ndaej daengz gyoengq boux- yawj angqcoux caeuq haenhndei.

(Vangz Gozsun/黄国顺)