Gangj hwnj foux ndawbiengz, couh miz haujlai vunz doiq Gvangjsih Cingsih fouxvunzdaemq gyangnaz miz cungj daegbied gamjcingz gyaezmaij ndeu, doiq de danqhaenh dangqmaz. Fouxvunzdaemq gyangnaz Bouxcuengh Cingsih yienzbonj daj ndawbiengz Cingsih miz daeuj. Daj ciuhgeq daeuj, fouxvunzdaemq cungj dwg cungj foux ndawbiengz Cingsih ndeu, dwg Bouxcuengh dangdeih dangguh cungj foux angqhoh gouz fuk ndeu, gyoengq Bouxcuengh gyaez- maij dangqmaz.

Cingsih Bouxcuengh fouxvunz- daemq gyangnaz dwg Cingsih Si cungj foux ndawbiengz miz daiq- biujsingq ndeu, miz minzcuz daeg- saek ronghsien、biujyienj hingzsik sengdoengh、yisuz funghgwz cingh- seuq caeuq vwnzva goekdaej laegna cungj daegdiemj neix, cujyau riuz- cienz youq mbiengj Cingsih Andwz Gujcouh, daengz seizneix gaenq miz 900 lai bi lizsij.

Fouxvunzdaemq gyangnaz dwg cungj foux ndawbiengz“ndang- daenj —— doenghgaiq —— dungcoz

——go”seiq yiengh cungj miz caemhcaiq habdangq doengjit ndeu. Moix bi seizcou, youq seiz guh hongnaz miz hoengq haenx, bouxsai Bouxcuengh duet gij buh lamh youq gyang hwet, yungh gij namh ndaem、hoengz faenbied duz youq gwnz naengdungx, veh ok bwncaeuz、da、naengbak caeuq linx bouxvunz, ciepdwk aeu loz faexcuk goeb youq gwnz gyaeuj, mbe hai song gen, aeu naengdungx guh najvunz、aeu loz faexcuk gwnzgyaeuj guh mauh、aeu gen guh mengq, gij yiengh “vunz- daemq” couh caux baenz lo. Mehmbwk cix yungh vengq buh faexcuk goeb naj、daenj gyaep, hwet cug ginzfiengz, ciuqguh gij “vunz- fiengz” gyangnaz. Cauxveh baenz gij “vunzdaemq” yienjok yiengh manz youh dwgriu, boux diuqfoux doxnyex doxcaemz, caenhcingz angq diuq, angqhoh fungsou.

Fouxvunzdaemq cujyau dungcoz miz “yo ga doxdaeuq”、 “gingz caekhaex doxbungq”、 “ngaemgyaeuj doxdingj” daengj, linghvaih lij doenggvaq diemheiq bienqvuenh gaemhanh naengdungx, dawzdaeuj funghfu gij biujcingz “fajnaj” “vunz- daemq”; “vunzfiengz” couh fwngz gaem duk faexcuk dop daj, boiqhab gij cezcou dungcoz “vunzdaemq” ciengq diuh’iq dangdeih. Yienh- ciengz faenhveiz vuenheij angqyangz. Cungj foux neix miz ndawbiengz deihfueng daegsaek funghgwz, ndeiriu mizyinx.

Gawq liujgaij, fouxvunzdaemq dwg cungj foux doj deihfueng ndeu, de dwg vunz Bouxcuengh soundaej liux le gij simcingz biujyienj, bouxsai youq gwnz naengdungx veh najvunz, miz angqyangz hozhwnj siengsim vuenyungz daengj biujcingz, gizyawz bouxsai mehmbwk gak daiq gaiq goebnaj, humx boux gyaeuj dingj aenloz haenx, guhcaemz dajnauh, biujdap gij simcingz fungsou angq- yangz. Yienznaeuz mbouj miz giyi hamzliengh sang, hoeng miz gij gyaeundei ciuhnduj, yinx vunz miz yinxdaeuz dangqmaz.

Boux biujyienj fouxvunzdaemq haenx, itbuen cungj dwg bouxguhnaz Bouxcuengh dangdeih. Gij biujyienj gyoengqde, cienz dwg daj ndaw saedceij daeuj, mboujlwnh dwg biuj- yienh vaiz cae naz nauh ndaemcin、guhmoiz doxcaen coux bawxmoq roxnaeuz gouz fwnraemx cuk, cungj miz gij heiqsik saedceij gwd dangq- maz, gyoengqde yungh gaeuvaiz、hozloz、gaen faexcuk、doengz faexcuk、ndok vaiz gag guh baenz yozgi, guh goebnaj caeuq doenghyiengh doenghduz, biujyienh ok gij caiz- naengz sawj vunz geizheih. Gyoengqde cungj mbouj dwg cienmonz guh, gyangngoenz lijaeu guh hongnaz hongreih, hoeng rox dawz gij saedceij yisuzva baenz yienghneix, gangjmingz yisuz dwg daj saedceij daeuj youh maj youq ndaw saedceij, saedceij gaenh beksingq ceiq miz yingzyangj, gij vwnzva miz gaen miz meg rengzmingh fouzhanh.

Mboengqneix, Cingsih Si gyavaiq cienzswnj caeuq fazcanj yisuz ndawbiengz, dawz foux- vunzdaemq hwnj daizheiq bae, aeundaej fanjyiengj giengzlied. Bi 2005 doenggvaq gaenxmaenx sinhbau, Gingsih fouxvunzdaemq gyangnaz gaenq ndaej senj haeuj swcigih gaep feihvuzciz vwnzva yizcanj mingzloeg.