10 nyied 23 hauh daengz 24 hauh, youz Gvangjsih Bouxcuengh Swcigih Dangjveij Laujgangiz cawjbanh“Langhyienj Gyaeundei Mbanjcuengh Caezdanq Seizdaih Moq”—Gvangjsih liz duiyouh ganbu angqhoh Swcigih laebbaenz 60 hopbi nem Swcigih daihroek gaiq“seizcou ndei lai”vwnzva hozdung fwen doxdax youq Sanhgyangh Dungcuz Swciyen haibanh. 16 aen doihdaiqbiuj 64 boux liz duiyouh ganbu daj daengx gih gak si、mbangj gihciz danhveij daeuj haenx, aeu Vahgun、Vahcuengh、Begvah daengj doengz daiz doxdax eufwen.

Mbat fwen doxdax neix cawz le haiguh doxdax cosaiq、 fuksaiq haenqrem ndeiyawj caeuq fatciengj vanjvei le, mbiengj cawjbanh lij cujciz canghfwen caeuq boux gyaez eufwen haenx daengz aen yienh neix Linzhih Cin Gvandung Cunh Mbanjgvansiuj yawjngonz Dungcuz swyouz eufwn doiqciengq.

(Gungh Bujgangh/龚普康)