Luzcai Yen Daujgyangh Yangh Vangzniz Cunh Veiz Hanzgij dwg hohgungzhoj, 2016 nienz de ndaej daengz cwngfuj diepsik daigvanj cawx le 60 duz yiengz, aenvih mbouj miz gingniemh, mbouj daengz buenq bi couh dai bae 30 duz yiengz. Dangdieg cuzmuz souyih bumwnz itseiz hix mbouj miz maz banhfap bang de. Veiz Hanzgij mbouj deq mbouj baengh, de couh gag bae daengz dieg ciengx yiengz Hozciz cimh canghyw aeu yw, lij lienzhaeh daengz souyih Swconh hawj yiengz ywbingh, doeklaeng couh ndaej bauj gyoengq yiengz neix lo. 2017 nienz ndwencieng de gai le 22 duz yiengz saedyienh le vutgungz. Bineix gij yiengz de gaenq sanj daengz 150 duz, gujsuenq bineix ciengx yiengz souhaeuj mauhgvaq 7 fanh maenz. (Lai Genveih/赖建辉)