10 nyied 17 hauh dwg ngoenz ruzgungz, Hocouh Si Bingzgvei Gih banh ciet vwnzva Dujyauz nem doxdax dinfwngz ruzgungz. Swcigih Fulenz、Hocouh Si Dungjcanbu、Hocouh Si Minzcunghveij daengj mizgven danh- vei lingjdauj caeuq 30 gya giyez daiqbiuj mbouj dwg goenggya haenx、vunzlai daiqbiuj daengj 500 lai vunz camgya hozdung.

Hozdung aeu“Roengzrengz bang- coh Bingzgvei vutgungz gunggeng Langhyienj dinfwngz baenzfouq Dujyauz” ma guh cawjdaez, haiguh dinfwngz dajsan huqduk Dujyauz、daemj baengz Dujyauz、duk haeux- faengxcaz、ngauz laeujgimndaem、langhyienj cazyi vwnzva、doxdax yaebcaz、yienjheiq caeuq sinhvwnz ingjsiengq daengj baenzdauq doxdax dinfwngz ruzgungz, moix aen hangh- moeg bingzsenj ok 3 boux dinfwngz ndei, fat hawj ngaenzciengj caeuq gep baizciengj aeu cazndaem ma guh baenz haenx.

Hozdung ngoenz haenx lij haiguh aen gih neix gyoengq giyez mbouj dwg goenggya haenx caeuq Dujyauz mbanj gungzhoj gapdoiq banggungz nem yienhciengz giencienz yizsi, yienh- ciengz giencienz 15 fanh maenz.

(Vangz Ligenh/黄丽娟)