Daj bi 2018 doxdaeuj, Lozyez haenqrengz gaem ndei minzsuz fung- cingz cangzdaiva biujyienj, dangguh daezswng gij vwnzva neihanz gingjgih gingjdiemj, daezswng yienghsiengq binjbaiz dieg lijyouz, laebndei cungj- loih doxgaiq lijyouz, hawj bouxhek vwnzva aeuyungh ndaej habhoz. Seiz- neix, minzsuz fungcingz cangzdaiva biujyienj baenz Lozyez lijyouz yingz- siuh diemjrongh moq.

Riengzdwk hong cauhlaeb aen yienh lijyouz daegsaek okmingz mboujduenh haeujlaeg haiguh, Lozyez Yen mboujduenh vatcimh daegsaek minzcuz vwnzva swhyenz, mbouj- duenh daezlienh dajcauh, baucang yisuz cingbinj. Yienh vwnzva bouh- monz gaenxmaenx cujciz aen donzdij yisuz ndawbiengz、vunzcaiz yisuz gapbaenz aen lenzmungz hezvei yisuz vwnzva hung’ak, baij bouxyienj maenhndei aen duenzyisuz ciengq- daeng ndaw yienh bae segih、mbanj guh sonyinx yisuz vwnzva, daezswng gij suijbingz dinfwngz yienj yisuz vwnzva minzsuz. Daj daih’it、ngeih geiqdoh minzsuz fungcingz gofoux 《Angq Raemx Angq Bya Angq Nieb》、daihsam geiqdoh ciengqdaeng cien- ciengz 《Cingz Maez Ngaeuz Daeng》、daihseiq geiqdoh gofoux nyuenz miz 《Yinhgeq Buzlungz》 daengj bonjdieg feihvuzciz vwnzva yizcanj mingzloeg neiyungz cawjdaez biujyienj, moix singhgiz haj banhaemh dinghgeiz youq yienhsingz vwnzva gvangjcangz、bouhfaenh gingjgih hai yienj, dawz daiz youh daiz bonjdieg minzsuz vwnzva baenzdauq biujyienj gig miz deihfueng daegsaek naekna haenx yienj okdaeuj, yaepyep baenz le diemjrongh lijyouz daegsaek bineix, baenz minzsuz vwnzva lijyouz gingj- gvanh daegbied gagmiz, ndaej daengz bouxhek haeujsim caeuq gyaezmaij.

Linghvaih, Lozyez lij youq moix aen dieg lijyouz gvaq ngoenzgyaj lajmbanj、nungzgyahloz, haiguh aen hozdung cawjdaez minzsuz vwnzva, aeu minzsuz vwnzva ndawbiengz lai cungj lai yiengh haenx cungfaen langhbaij hawj bouxhek yawj, hawj bouxhek youq yawjngonz caeuq roxnyinh daengz vwnzva gizdieg daegbied gagmiz doengzseiz, ndaej daengz gij muzdiz vwnzva doxdoeng, caenh’itbouh roxyiuj Lozyez、 byaij- haeuj Lozyez、senhconz Lozyez.

(Veiz Yungzlingz)