10 nyied 5 hauh, Ginhsiu Yauzcuz Swciyen hoenghhwd gawjhengz Cung- guek Ginhsiu Cazsanhyauz “ciet goengdaek” baenzdauq hozdung. Mbat hozdung neix dwg youz Ginhsiu Cazsanhyauz Minzcuz Hwngfat Hezvei yiendaeuz guh, vunzlai gaghaengj camgya aen hozdung vwnzva minzsuz ndawbiengz neix.

Hozdung ngoenz haenx, 17 aen cunhveij miz baenz 2000 lai boux Cazsanhyauz vunzlai ndang daenj buhvaq ngoenzciet daj gak aen yangh cin daeuj haenx, youq ndaw diuzgai yienhsingz gvaengxyouz. Ciep roengz- daeuj baenzdauq hozdung couh youq ndaw gvangjcangz iq vwnzva yienhsingz haimuq, gyoengq Yauzcuz beixnuengx yungh vah “lahgyah” caezciengq “go goengdaek”. Yienhciengz cawz le《Cin Byayauz》《Cingz Rim Byayauz》daengj 18 diuz Yauzcuz yenzswnghdai gofoux biujyienj le, lij gawjhengz goengdaek yizsi hwnghoengh youh saenzmaed de.

(Cwnz Mungjhoj/陈猛火 Cwnz Haijcingh/ 陈海清 Loz Haijdauh/ 罗海涛)