Geij bi neix daeuj, Hocouh Si Bingzgvei Gih ciuq dieg minzcuz deihleix vanzging、gijndei swhyenz, haenqrengz hwngfat canjnieb caz banggungz. Yungh vwnzva caz guh cawjdaez daiqdoengh minzcuz vwnzva canjnieb banggungz, bangrengz ranz- gungzhoj Bingzgvei dieg gungzhoj minzcuz laisou vut gungz.

Seizneix, aen gih neix ndaem caz miz 3 fanh lai moux. Vih gyalai vunzlai gungzhoj souhaeuj, aen gih neix yungh cwngfuj cawjdoengh “dap daiz”, giyez gaenxmaenx “ciengq heiq”, doeng- gvaq ciu giyez yinx ngaenzcienz, yinxhaeuj aen giyez guh cazndaem mizmingz. Doenggvaq dajndaem daj- cauh hawj vunzlai minzcuz vunznoix camgya daengx aen ginggvaq siugai gyagoeng guh mbawcaz, caemhcaiq hawj vunzlai minzcuz vunznoix moix aen hothoh ndaej ik, cungfaen daiq- doengh gij ginghci hwngfat dieg Dujyauz, bangrengz hong vut gungz gunggeng dieg minzcuz.

Doengzseiz, yungh “vih boux- guhnaz cauh souhaeuj、vih giyez cauh leih’ik、vih deihfueng cauh binjbaiz” guh daeuz. Hableix yungh gij swhyenz daegsaek minzcuz dangdieg, daj doxgaiq——mbawcaz daengz suek- bau daengj, laebbaenz aen cehgenh banggungz, hawj vunzlai minzcuz vunznoix youq bakdou ranz couhnieb. Haifat doxgaiq moq, daj mbawcaz dandog iet daengz laeuj(laeujcaz)、Siuqyauz daengj. Doengzseiz, aen gih neix hai doxdax dinfwngz, hawj vunzlai Dujyauz gaenxmaenx camgya, bouxndaejciengj cawz ndaej ciengj le bouxde roxnaeuz aenmbanj de youq haenx lij ndaej dinghdan aen hangh- moeg neix dem, yungh diemj daiq sienq doi mienh daeuj dajcauh Dujyauz “mbanj ndeu yiengh ndeu” daegsaek canjnieb, gya’gvangq goek- gaen souhaeuj.

(Vangz Ligenh)