Bineix daeuj, Dasinh Yen dawz hwngfat lajmbanj densangh fugsaeh dangguh gij fwngzgaem youqgaenj caeuq saenqsikvaq banggungz vunqsik, gaenxmaenx sonyinx caeuq gujli buek vunzcaiz lajmbanj rox dinfwngz rox ginghyingz ndeu hwngfat lajmbanj densangh, bangdoi lajmbanj ginghci hoenghvuengh caeuq hengzguh laj- mbanj saenqhwng canloz.

Aen yienh neix ciengj ca “vangjdoxlienz+” hwngfat seizgeiz, dawz denswj sanghvu haeuj lajmbanj dangguh banhfap youqgaenj vut gungz gunggeng, yungh hwnjguh aen yienh guhyiengh denswj sanghvu haeuj lajmbanj guh fwngzgaem, genhciz gij fuengcim ceijyinx guhhong“cwngfuj dazyinx、giyez cawjdaej、hawciengz dazyiengq”， yungh lai cungj banhfap、haenqrengz doidoengh, daengx yienh hong denswj sanghvu yienh’ok gij yiengh hwngfat ndei.

Aen yienh neix lij cungfaen fatok gijndei swhyenz, gaenxmaenx damqra diuzroen densangh cinjcing vut gungz. Gujli conzdungj giyez cienjhingz、cauhlaeb vangjsangh giyez yienghmoq、bouxcoz dauq ranz haenx gaenxmaenx haibanh vangjden, doengzseiz, yungh 48 aen mbanjgungzhoj caeuq daengx- cungq ranzgungzhoj laeb dangjan laeb gaj haenx guh cungdenj, gaenxmaenx haiguh son’gyauq denswj sanghvu cauhnieb. Seizneix, laeb le aen suen denswj sanghvu cauhnieb ndeu; gaenq hwnjguh camh fugsaeh cunghab denswj sanghvu lajmbanj 104 aen, ndawde 25 aen diemj fugsaeh youq mbanjgungzhoj, daengx yienh gyoebsuenq son’gyauq densangh soqvunz 5699 boux, ndawde ranzgungzhoj laeb dangjan laeb gaj 3197 boux, gihbwnj guhbaenz le lajmbanj densangh fugsaeh dijhi caeuq densangh vuzliuz fugsaeh dijhi yienh miz suen cauhnieb、yanghcin miz camh fugsaeh、mbanj miz dieg fugsaeh haenx.

(Liengz Gveivah)