9 nyied 18 hauh, aen banbeizyin boux daiq lwgnding 12 ngoenz Gunghcwngz Yauzcuz Swciyen Gyahvei Cin guhdangj laebgaj bouxguhhong hohgungzhoj gaenq sat lo, geiz beizyin neix yozyenz gungh miz 35 boux doenggvaq gaujhwz baenz boux daiq lwgnding habgek he.

Vih coicaenh aen gunghcwngz “banggungz dinfwngz”, Gunghcwngz Yauzcuz Swciyen Rahong Guhhong Fuzvu Cungsim cienmonz vih vunzhong hohgungzhoj banh ban fuzvu ndawranz caeuq boux daiq lwgnding, bae daengz yienh、yangh（cin）、cunh sam gaep guh beizyin. Bineix gungh hai ban 12 geiz, beizyin 505 boux vunz, ndawde 325 boux dwg hohgungzhoj guhdangj laebgaj. Yozyenz beizyin habgek le doenggvaq cizyez doigawj soengq daengz Sinhcin Gyahcwng Fuzvu Gunghswh guhhong. Ciuq gyoepsuenq, aen yienh neix gungh miz 500 lai vunz youq Sinhcin Gyahcwng Fuzvu Gunghswh guhhong, moix vunz moix ndwen cienzhong 3000 maenz doxhwnj.

(Cwng Ciminj/郑智敏 Luz Vwnzcing/陆文静)