9 nyied 12 hauh, Luzcai Yen Cwngzcungh Siujyoz bineix geiq seizcou haggeiz it nienzgaep 533 boux hagseng moq gawjhengz “guhcingq haibit hengz- ndei buqmoengz” laex haibit hozdung. Gwnz yizsi haibit, gyoengq lwgnyez baiz baenz baiz dwk yiengq mbaw siengq gyauyuzgyah caeuq swhsiengjgyah hung- mbwk Gungjswj haenx gingqlaex, yiengq lauxsae caeuq bohranz gingqlaex, yienz- haeuh moix vunz roq gyong gangj vah simnyienh, caiq yungh gonj yienzbit youq gwnz bonjbouh oemjhoengz haenx ciuq yienghceij veh ok cih saw “vunz” he. Gij eiqsei de couh dwg naeuz hagseng gouzhag doegsaw couh daj gizneix hainduj lo. (Lai Genveih/赖建辉)