Gaijgwz hailangh 40 bi lo, mbanjranz gou bienqvaq gig hungloet.

Gaxgonq mbouj miz dienh, mbouj miz daeng ciuqrongh, gyanghaemh ndaw mbanj cungj dwg laepcupcup. Riengz ginghci mboujduenh ndaej daezswng, seizneix, mbanj dou cungj miz dienh yungh lo. Mbwn baez laep le, ranzranz cungj dwg rongh- sagsag.

Caiq gangj densigih, lij iq seiz, gou yawj gij densigih mbouj yungz- heih, daengx mbanj cij miz song aen ndwi. Gwn souh gvaq le, daengx mbanj vunz cungj caenx bae daengz ndaw gyanghongh hung haenx itheij yawj. Aen densigih haenx sou ndaej daengz geij aen cezmuz ndwi, hoeng, gyoengqvunz yawj ndaej diemzsubsub. Siezneix ndei lai lo, nungzminz miz ngaenz lo, ndawranz cungj dwg yezsingbingz densi. Ndaej sou geij- cib baenz bak aen cezmuz, gij da cungj yawj mbouj bienh bae.

Seizneix cawz le miz densigih, moix ranz moix hoh lij miz haujlai dengi, miz denbinghsiengh、gungh- diuz、sijyihgih daengj, bouxboux gvaq ndaej angqvauvau.

Lij iq seiz, dou cungj youq ranzvax. Moix daengz doek fwn, cungj dwg baihrog doek fwn hung, ndaw ranz roengz fwn iq. Seizneix, gyoengq vunz ndaw mbanj baengh song fwngz swhgeij cauh ok gij caizfouq, ranzranz cungj laeb hwnj song sam caengz ranzlaeuz.

Gaxgonq mboujlwnh siengj bae gizlawz, roen mbouj ndei, cungj you baenzlawz okrog. Ci noix dangqmaz, itloh faenx iq noix mbouj ndaej, caemhcaiq gvax gig gyae, ginggvaq haujlai nanz cij ndaej bae daengz gizdieg muzdiz. Seizneix mbouj doxdoengz lo, vei lai lo. Gauhsuloh caeuq dietloh cungj ginggvaq mbanj dou. Ranzranz cungj miz gak cungj gak yiengh ci, siengj bae gizlawz cungj gig fuengbienh, caemhcaiq gig vaiq couh daengz.

Gaijgwz hailangh 40 bi neix, mbanjranz gou bienq seuq lo. Gyoengq vunz ndaw mbanj cungj caensaed yiengjsouh ndaej gij ndeicawq gaijgwz hailangh.

Cunghgoz Gungcanjdangj, gou gyae mwngz, aenvih miz mwngz, mbanjranz gou cij bienq ndaej gyaeundei.