Bineix 8 nyied faenh gvaqdaeuj, Hocouh Si Bingzgvei Gih doenggvaq guh Yauzsiuq daemjroek、cazfaengx cugguh、dukfaexcuk dajsan daengj baenzdauq ban beizyin ginwngz, aeu cungj hingzsik ruzgungz ginwngz dox- dax, coicaenh dieg Yauzdoj hongsaeh hwngfat, demlai ranz gungzhoj sou- haeuj.

8 nyied daej, Bingzgvei Gih couh dingh ok Yauzdoj dukfaexcuk dajsan、Yauzsiuq daemjrok、cazfaengx cugguh、laeujgimndaem siuguh、hongfwngz guh Cazyauz、baijyienj guhcaz caeuq vwnzyi biujyienj daengj ginwngz doxdax hanghmoeg. Vih heuhcomz gyoengq vunzlai Yauzdoj camgya doxdax, minz- cunghveij aen gih neix lienzhab goh- gigiz cingj le conhyez gisuz yinzyenz bae daengz gij mbanj Yauzdoj comz- youq haenx hemqheuh caeuq guh gisuz beizyin, faen geiz doiq 7 aen mbanj Yauzdoj camgya doxdax haenx naj doiq naj、fwngz gaem fwngz dwk beizyin. Mboengqneix gaenq guhsat le dajsan、 Yauzsiuq daemjrok、cug cazfaengx、guh laeujgimndaem beizyin. Ndawde Yauz- siuq gaenq raen mizyauq, 9 nyied co Guengjsae Gosanhyauzgyah Vwnzva Gunghswh fatcuengq daengz Ngozdangz Cin Damingz Cunh 500 mbaw mbaw- siuq caeuq 100 dauq buhvaq Yauzdoj, ndaej miz 7000 lai maenz ngaenz souhaeuj, Ngozdangz Cin Mingzmeiz Cunh、Sahdenz Cin Ginhcuz Cunh caemh yaek ciep aeu mbangj mbawsiuq dinghdan ma guh. Seizneix, aen gih neix lij laebdaeb cagaenj guh ndei ciennieb beizyin hongfwngz Cazyauz、dinfwngz guhcaz daengj beizyin hangh- moeg, caemhcaiq doiq gij hanghmoeg beizyin gvaq haenx cukmaenh caeuq bang ra hong guh, hawj beizyin ndaej caensaed mizyauq, vunzlai demsou.

(Vangz Ligenh/黄丽娟)