9 nyied 4 hauh, Liujcwngz Yen Cungjgunghvei、Cailungz Cin Cwngfuj lienzhab haiguh cizgungh baijdaiz doxdax mbek cehmbu, 50 lai boux cunhminz faen baenz 13 aen cujiq daj Cailungz、Duzsiz、Gwnghsiengz daengj mbanj hingzcwng daeuj haenx, doxdax mbek cehmbu daengj hanghmoeg.

Ciuq cam rox, ndaem cehmbu、gyagoeng cehmbu dwg Cailungz Cin hangh canjyez moq hwngfat hwnj- daeuj he. Youq Cailungz Cin, aeu ndaem cehmbu swnghcanj gihdi Mbanjgwnghsiengz guh cungsim, ndaem mbu’mbwn、mbuhau gveihmoz dabdaengz 240 moux, moix bi ndaej sou 15 fanh gaen cehmbu singjsien, aeu hawciengz gyaqcienz 5.3 maenz/gaen ma suenq, canjciz yaek gaenh 80 fanh maenz.

Mbat doxdax neix langhyienj le cwngzgoj fungsou daegsaek nungzyez, fuengbienh cunhminz doxgyau saenqsik baenzfouq caeuq doxgap.

(Dwng Gwzyi/邓克轶)