Seizneix Denhgen dingqnyi ndaw funghdajswiq miz doenghdanh, funghdajswiq mbouj hai daeng, Denhgen doeksaetyat, de byaij gvaqbae, hai daeng, Denhgen yawjraen mehyah bonjfaenh lumh laep naengh youq gwnz diegokhaex.

“Mwngz baenzlawz mbouj hai daeng?” Denh- gen cam.

“Mwngz cingq dwk dienhvah hawj bouxlawz?” Mehyah Denhgen naeuz, “mwngz gaej cungj siengj gienh saeh neix, vunz cungj miz ngoenzneix bw.”

Denhgen siengj caeuq mehyah bonjfaenh gangjgangj gij saeh aen soujgih.

“Mwngz gaej yousim, baih yihyen haenx miz saeh, gyoengqde rox dwk dienhvah daeuj.” Mehyah Denhgen youh naeuz.

Seizneix duzmeuz haenx riengz gvaqdaeuj, youq bakdou funghdajswiq damqdamq aen gyaeuj de, mbouj guhsing mbouj guhheiq youh byaij deuz mbouj raen lo.

“Gou hix wnggai ninz lo.” Denhgen naeuz.

“Mboujnex mwngz youh ninz mbouj ndaej ndaek lo.” Mehyah Denhgen naeuz.

“Gou danghnaeuz ninz mbouj ndaek, raeuz couh laebdaeb.” Denhgen naeuz.

“Hawj gou doengz ien ndeu.” Mehyah Denhgen naeuz.

Denhgen ndenq ien hawj mehyah, yawj de naengh youq gwnz diegokhaex cit ien, de doeg daihhag seiz, couh hainduj cit ien lo.

“Vunz lix gizsaed dwg cingqcaih guh fangz- hwnzloq yakrwix, Denhgangh baezneix mbouj rox ndaej mbouj ndaej dingj gvaqbae, gizsaed danghnaeuz dingj ndaej gvaqbae engqgya yak.” Mehyah Denhgen naeuz, naeuz dujrwz baihgvaz bonjfaenh geij ngoenz neix lumjnaeuz dingq mbouj cingcuj lo, aiq dwg baez gonq youzraemx seiz, deng raemx haeuj rwz lo.

“Youzraemx seiz ceiq ndei gaej nu dujrwz.” Denhgen naeuz.

Seizneix, aen soujgih youq sahfaz haenx yiengj huhu hwnjdaeuj, cix cij yiengj song baez, sikhaek couh dingz roengzdaeuj lo.

“Aiq dwg baih yihyen haenx oksaeh luba?” Mehyah Denhgen naeuz.

Denhgen ndwn youq gizhaenx, de roxnyinh bonjfaenh aeu swiqswiq fwngz cij ndaej, de couh swiq fwngz mbat ndeu, yienzhaeuh iet fwngz gvaqbae, lumh fajnaj mehyah de mbat ndeu. Mehyah Denhgen naengh youq gwnz diegokhaex, hix daix fwngz hwnjdaeuj lumh de.

“Ngoenzcog ba.” Mehyah Denhgen naeuz, “mwngz sikhaek couh daengz 35 bi ngoenzseng lo.”

Denhgen yut fwngz okdaeuj. Seizneix aen soujgih haenx youh caiq yiengj hwnjdaeuj, Denhgen roxnyinh bonjfaenh aeu ninz lo. De byaij gvaqbae gven aen soujgih haenx, de dingqnyi gij singyaem mehyah de youq ndaw funghdajswiq hai raemx. Denhgen dawz aen soujgih mbouj rox dwg aen byawz haenx, lij dwg siengj mbouj cingcuj, de baenzlawz lauq youq ndaw daehdajcawx bonjfaenh daeuj. Cuengq roengz aen soujgih, Denhgen youh bae swiq fwngz. Denhgen ngoenzneix gaenq swiq fwngz haujlai baez lo.

Denhgen roxnyinh bonjfaenh miz mazfanz lo. Haemhlwenz youh dwg daengx haemh ninz mbouj ndei, de roxyiuj bonjfaenh dwg deng aen soujgih haenx loengh lo. Ngoenz daihngeih hwnqdaeuj bae funghdajswiq swiq naj, aen soujgih haenx couh hainduj yiengj, caemhcaiq laebdaeb yiengj mbouj dingz. Denhgen ciep dienhvah, dwg ndaek vunz ngoenzlwenz manzhengz gag naeuz dwg baicuzsoj haenx, lij mbouj caj de gangj gijmaz, denhgen couh gven’gvak soujgih. Neix caen dwg gienh saeh mazfanz ndeu, couh lumj dwg baenz binghsim nei. Denhgen lau aen soujgih haenx yiengj, hoeng youq ndawsim youh seizseiz cingq caj de yiengj. Denhgen siengj youq giz moegloeg doengsaenq ndaw soujgih haenx ra ok geij aen hauhmax dienhvah caiq sawq dwk gvaqbae, hoeng banhaet saeh daiq lai, baih yihyen haenx hix mbouj rox baenzlawz yiengh la. Denhgen siengj ndei lo, laemxseiz baez hwnjban couh dawz aen dienhvah neix gyauj hawj baicuzsoj siujgih bae cawqleix, gyoengqde siengj baenzlawz banh couh baenzlawz banh, yienghneix bonjfaenh couh soengse lo, aen soujgih neix caiq mbouj caeuq bonjfaenh miz gijmaz gvanhaeh dem lo. Hoeng Denhgen lij dwg nyaenx mbouj ndaej, siengj dingqnyi aen soujgih neix miz dienhvah yiengj, aen soujgih neix gangj vah lauxsaed daiq miz eiqsei lo, ceiq noix dwg hawj Denhgen daeuqloh moux cungj saenqsik, Denhgen siengj, roxnaeuz, bonjfaenh caiq sawq dwk geij aen dienhvah ba? Cimyawj aen soujgih neix, Denhgen youh miz di ngeizvaeg he, ngaekngeu dwg, de dwg baenzlawz buet daeuj ndaw daehdajcawx bonjfaenh ne. Denhgen siengj ndei lo, daj seizneix haidaeuz, daengz bet diemj buenq, danghnaeuz caiq mbouj miz dienhvah dwk gvaq- daeuj, roxnaeuz lienzhaeh mbouj daengz bouxcawj aen soujgih neix, de couh dawz aen soujgih neix gyau hawj baicuzsoj bakdou siujgih, hawj gyoengqde bae cawqleix, yienzhaeuh bonjfaenh couh gag bae yihyen, maqmuengh Denhgangh mbouj miz maz saeh cij baenz. Denhgen banhaet sibgvenq youq aen bouq iq vwnzdunh hangzbyaek haenx gwn haeuxromh, gizhaenx nauhyied raixcaix, banhaet seiz gizhaenx yienghyiengh cungj miz gai, ndigah Denhgen cungj haengj daeuj gizneix gwn haeuxromh. Swnhbienh dawz gij doxgaiq yaek cawx haenx cawx baema. Gwn haeuxromh seiz, Denhgen cungj dwg cawx vanj vwnzdunh ndeu、aen bingjgangq ndeu, caiq gya aen gyaeqgaeq ndeu. Haeuxromh Denhgen itbuen haemq haengj gwn Haeuxcungguek, haeuxcaeuz couh gwn di mienhbau、naijloz doengh cungj haenx, lij miz gahfeih. Denhgen yaek oet vwnzdunh haeuj bak seiz, aen soujgih sawqmwh yiengj lo, lau bouxwnq dingqnyi sing yiengj, Denhgen laebnda soujgih guhbaenz saenqdoengh, vwnzdunh ndat raixcaix, Denhgen cingqngamj siengj hawj de liengz di he. Denhgen ciep aen dienhvah neix, maqmuengh ngoenzlwenz ndaej miz vunz cienz vah le, dwg bouxcawj soujgih bonjfaenh dwk dienhvah gvaq- daeuj, siengj mbouj daengz bouxvunz baih dienhvah haenx sikhaek couh hujdengdeng hwnjdaeuj, gig yiemzleih, dwg bouxvunz gag naeuz dwg baicuzsoj haenx.(7)

□ 王祥夫 著 陆晓荔 译

这时候天健听到了卫生间里有动静，卫生间没开灯，天健吓了一跳，走过去，开了灯，天健看见自己老婆摸黑坐在马桶上。

“你怎么不开灯？”天健说。

“你在跟谁打电话？”天健的老婆说，“你别老想这事，人都会有这一天。”

天健想跟自己老婆说说手机的事。

“你别担心，医院那边有事他们会打电话。”天健的老婆又说。

这时候那只猫过来了，在卫生间门口探了一下头，又无声无息不见了。

“我也该睡觉了。”天健说。

“要不你就又要睡不着了。”天健的老婆说。

“我要睡不着，咱们就继续。”天健说。

“给我一根烟。”天健的老婆说。

天健把烟递给老婆，看她坐在马桶上吸烟，她上大学的时候 就开始抽烟了。

“人活着其实是在做噩梦，天康这回不知道能不能挺过来，其实如果挺过来更坏。”天健的老婆说，说自己的右边这个耳朵 这几天又好像听不清了，都是上次游泳游的，好像是进了水。

“游泳的时候最好不要揉耳朵。”天健说。

这时候那部手机在沙发上响了起来，呜呜，也只响了两下，马上就停了。

“不会是医院那边有事吧？”天健的老婆说。

天健站在那里，他觉得自己有必要把手洗一洗，他就把手洗了一下，然后把手伸过去，摸了一下老婆的脸。天健的老婆坐在马桶上，也抬起手来摸他。

“明天吧。”天健的老婆说，“你马上就三十五岁的生日了。”

天健把手抽了出来。这时候那部手机又响了，天健觉得自己应该睡觉了。他过去把那部手机给关了，他听见老婆在卫生间放水的声音。天健拿着那部不知是谁的手机，还是想不清楚它到底是怎么落在了自己的购物袋里。放下手机，天健又去洗了手。天健这天已经洗了好多次手了。

天健觉得自己有麻烦了。昨天晚上又是一夜没睡好，他知道自己是给那部手机弄的。第二天起来去卫生间洗脸，那部手机就开始响，而且响个不停。天健接了一下，是昨天那个口气很粗暴自称是派出所的家伙，还没等他说什么天健就把电话关了。这真是一件麻烦事，简直就像是一块心病了。天健怕那部手机响，而在心里时时刻刻又等着它响。天健想在这部手机的通讯录里找几个电话号码再试着打一下，但早上的事太多，医院那边还不知道怎么样了。天健想好了，或许一上班就把这部手机交给小区的派出所去处理，他们爱怎么办就怎么办，这样自己就省事了，这部手机也跟自己无关了。但天健还是忍不住想听到有人把电话打过来，这部手机说实话太有意思了，起码是向天健透露了某种信息，天健想，或者，自己再试着打几个电话？看着那部手机，天健又有点发愣，问题是，它是怎么跑到自己的购物袋里的。天健想好了，从现在开始，到八点半，要是再没有电话打过来，或者是联系不上手机的主人，他就会把手机交给小区门口的派出所让他们去处理，然后自己就要去医院了，但愿天康没事。天健早上习惯在菜市场那边的馄饨小店吃早餐，那边很热闹，早上的时候那边卖什 么的都有，所以天健才喜欢到这地方吃早餐。顺便把要买的东西买回去。吃早餐的时候，天健总是来一碗馄饨、一个小烧饼，再加一个鸡蛋。早餐天健一般比较喜欢吃中餐，晚上就来点面包片、奶酪什么的，还有咖啡。天健把馄饨端到嘴边的时候手机突然响了，为了怕别人听到，天健把手机设了振动，馄饨很热，天健也正好可以让它凉凉。天健接了这个电话，希望昨天有人传了话， 希望这个电话是手机的主人自己打过来的，想不到电话那边的人一下子就火了起来，很严厉，是那个自称是派出所的人。

(7)