●Ndwen 9 ngoenz 7 banhaemh, Dasinh Yen vwnzyi banggungz cunzyienj daengz Yaleiz Cin Cigangh Cunh aen yienh neix, vih cungfaen fatok vwnzyi cozbinj youq ndaw hong banggungz “ruzceiq” caeuq “banggungz” cozyung, Dasinh Yen hopheux banggungz gung- geng cawjdaez cujciz vwnzyi cauhguh, haiguh vwnzyi senh- conz hozdung. Daj ndwen 7 ndawcib daengz ndwen 10 daej, Dasinh Yen yaek youq daengx yienh haiguh vwnzyi cunzdauq yienjok hozdung 143 ciengz- baez.

(Vangz Dwzminz)

●Mboengqneix, Sieng- couh Yen Majbingz Cin Gujlu Cunh banh cinjcing banggungz cienciengz vwnzyi cunzdauq yienjok, muzdiz dwg doenggvaq yienjok gij vwnzyi cezmuz fungfouq lai yiengh haenx, senhconz gij cingsaenz Cibgouj Daih dangj、cinjcing banggungz cwngcwz、lajmbanj saenqhwng daengj neiyungz, hawj vunzlai lai roxyiuj cwngcwz dangj caeuq guekgya.

(Vangz Gohyinz)

●Bineix doxdaeuj, Denz- linz Yen doenggvaq haiguh son’gyauq dinfwngz, giengzvaq fugsaeh sonyinx couhnieb, cauhlaeb aen cehgenh bang- gungz couhnieb, bangrengz vunz gungzhoj laisou. Bineix ndwen 1 daengz ndwen 6, daengx yienh singz mbanj gyalai couhnieb 632 boux, boux roengzgangj saetnieb couhnieb moq 88 boux, boux couhnieb hojnanz couhnieb moq 30 boux, goengrengz lajmbanj cienjsenj couhnieb gyalai moq 3633 vunzbaez, ndawde vunz gungz- hoj lajmbanj gyalai cienjsenj couhnieb 1142 boux.

(Siz Swnghfuj)

●Geij bi neix daeuj, Vujsenh Yen dawz lajmbanj lijyouz dangguh canjnieb youq- gaenj vut gungz gunggeng、fouq minz laisou daeuj guh, giethab mbanjgungzhoj gijndei vwnzva swhyenz、swhyienz roxnaeuz gijndei canjnieb, doenggvaq laebndei lijyouz giekdaej sezsih、banh hozdung angqhoh ngoenzciet coicaenh lijyouz siuhfei、canjnieb laisou, hawj vunzlai vut gungz baenz miz.

（Lij Ganginh）