8 nyied 31 hauh, Hocouh Si youq Gveibingz Gih Ngozdangz Cin Mingzmeiz Cunh ciuhai aen hoih beizyin geiz daihngeih doxdax baengz dajsiuq Yauzcuz nem aen hozdung doxdax dinfwngz banggungz. Mbat hozdung neix, cujyau beizyin Hocouh Yauzcuz dajsiuq fapcim giekdaej, Yauzcuz Banzvangz aendozyaenq aeu fwngz guh haenx、fapcim dajsiuq Yauzduj、mbawdoz daengj.

Ciuq cam rox, Yauzcuz dajsiuq doxdax beizyin faen miz song geiz, seizneix gaenq dwg geiz daihngeih, beizyin doiqsiengq cujyau dwg Bingzgvei Gih 6 aen mbanj Yauzcuz caeuq Sahdenz Cin Swhdunghnanz Cunh, moix aen mbanj senj ok 3 boux senjsouj camgya doxdax, hoih beizyin cingj gaep guekgya “feihyiz” mingzloeg —— guh buhvaq Yauzcuz dinfwngz boux daiqbiuj swnjcienz Lij Sufangh daeuj gangjgoq. Doenggvaq beizyin, caenh- itbouh haivat、ciengjgouq、baujhoh dinfwngz conzdungj dajsiuq Yauzcuz, gawq fungfouq Yauzcuz vunzlai vwnzva swnghhoz, youh ndaej daezsang Yauzcuz vunzlai ginghci souhaeuj.

(Vangz Ligenh/黄丽娟)