“Bongj rumzhaenq ceiq ndei gaej okdou, boux- lawz rox rumz yaek bongj laemx gofaex lawz.” Denhgen doiq mehyah bonjfaenh naeuz.

Gig vaiq couh yaek daengz cibnyied lo, Denhgen gaxgonq cungj guh ndei caepcawq lo, de siengj bae baihnamz aen cin iq ndeu guhcaemz geij ngoenz, geij ngoenz neix de cingq yenzgiu《Dazyinx Lijyouz》, hoeng seizneix haengjdingh dwg mbouj ndaej bae lo. Gwn laeuj liux le, Denhgen youh bae sahfaz ninz roengzdaeuj. De dawz《Dazyinx Lijyouz》gwnz daiz cuengq daengz caengz baihlaj haenx bae, caengz baihlaj dwg cuengq di mbawcaz caeuq doengj gahfeih, lij miz daeh makgeng ndeu, mbouj miz saeh seiz, Denhgen couh gwn di makgeng he. Ciuqei vunz naeuz, doengh cungj doxgaiq neix doiq sailwed miz ndeicawq. Denhgen ninz roengzdaeuj, gaem dawz geij aen makgeng, doq gwn doq hainduj dwk dienhvah. De cazyawj gij moegloeg doengsaenq mbouj rox dwg aen soujgih bouxlawz neix, itbuen daeuj gangj, mboujguenj dwg aen soujgih bouxlawz, doenghgij vunz moegloeg doengsaenq ndaw soujgih haenx, bouxcawj wnggai roxnaj.

Aen dienhvah daih’it yaepyet couh doeng lo, boux vunz neix singheiq miz di angqfwngfwng he. “Simdiemz, gou nanq mwngz aiq dwk dienhvah gvaqdaeuj.” Boux vunz neix singsaeq dwk naeuz.

Denhgen mbouj gangj vah, Denhgen roxnyinh doiqfueng singheiq miz di geizheih he.

“Simdiemz.” Boux vunz neix youh singsaeq naeuz.

Denhgen gangj vah lo, Denhgen naeuz: “Mwngz roxnaj bouxcawj aen soujgih neix lwi?”

Doiqfueng sikhaek couh dingzrwg, diem heiq, ae sing ndeu, dienhvah couh dingz roengzdaeuj lo.

Denhgen youh bued aen dienhvah neix, aen dienhvah neix youh ndaej ciep hwnjdaeuj.

Denhgen youh dauqcungz gangj gij vah daxbaenh.

“Mbouj roxnaj, gou mbouj roxnaj, mwngz dwk loeng lo, gou caeuq mwngz gangj, gou mbouj roxnaj.” Doiqfueng naeuz.

“Mwngz mbouj dwg ‘simdiemz’ ha?” Denhgen naeuz.

Doiqfueng mbouj gangj vah, hoeng sikhaek gven soujgih lo. Denhgen cijndei caiq bued gwnz moegloeg doengsaenq aen dienhvah daihngeih, dienhvah yiengj geij sing le, deng ciep hwnjdaeuj lo, doiqfueng singsaeq naeuz:“Caen dwg lo, miz di haemh luba, gou cungj ma ranz lo.”

Denhgen mbouj oksing, aenvih gij vah doiq- fueng gawq ciep gawq.

“De cingq swiqndang ne, mbouj gvaq gou ndaej roh okbae, raeuz ndaej youq gwnz ci.” Bouxsai ndaw dienhvah naeuz.

Denhgen seizneix cij haibak: “Gou siengj cam mwngz mbat ndeu, mwngz roxnaj bouxcawj aen soujgih neix lwi?” Baih dienhvah haenx baez dingq couh dingzrwg, aiq dwg deng doeksaetyat lo.

“Mwngz roxnaj lwi?” Denhgen youh cam naeuz.

“Gijmaz saeh? Mwngz dwg bouxlawz?” Bouxsai ndaw dienhvah neix cam naeuz.

“Mwngz roxnaj bouxcawj aen soujgih neix lwi?” Denhgen youh cam.

“Mbouj roxnaj, mwngz dwk loeng lo.” Bouxsai ndaw dienhvah neix han naeuz.

“Mwngz naeuz, aen soujgih neix baenzlawz miz gij hauhmax dienhvah mwngz ne.” Denhgen naeuz.

“Mwngz loeng lo, gij dienhvah gou haujlai vunz cungj miz.” Doiqfueng naeuz, dienhvah youh gven lo.

“Miz eiqsei!” Denhgen roxnyinh aen soujgih mbouj rox baenzlawz couh doek youq ndaw fwngz bonjfaenh neix mbouj dwg aen soujgih bingzciengz, song bouxsai ciep dienhvah haidaeuz cungj dwg yienghhaenx, miz boux ndeu lij “simdiemz, simdiemz” heuh, daengz doeklaeng cungj naeuz mbouj roxnaj, aen soujgih neix lauheiq mbouj dwg aen soujgih vunz bingzciengz, Denhgen roxnyinh daengz lo, bouxcawj aen soujgih neix mbouj dwg vunz bingzciengz, geij aen dienhvah neix, hix daiq hamxhawz lai lo.

Denhgen youh ra aen hauhmax dienhvah lingh, de youh hainduj dwk dienhvah, ciep dienhvah youh dwg bouxsai ndeu.

“Mwngz gangj vah.” Bouxsai ndaw dienhvah naeuz.

Denhgen mbouj gangj vah, aenvih bouxsai neix sikhaek youh ciep roengzdaeuj naeuz:“Raeuz caengz liux ne, cungj lij ndoet.”

Denhgen roxnyinh aen dienhvah neix gig miz eiqsei, cungj yaek cib’it diemj cung lo, lij miz bang vunz ndeu cingq ndoet laeuj.

“Mwngz dwg mbouj dwg siengj gou la?” Bouxsai ndaw dienhvah singsaeq naeuz, naeuz de gaenq daj ndaw fungh okdaeuj, cingq youq ndaw lajroq, “mwngz dwg gijmaz eiqsei? Dwg mbouj dwg siengj hawj gou seizneix couh gvaqbae? Mwngz gangj vah ha.”

Denhgen mbouj gangj vah, de siengj dingqdingq doiqfueng lij rox gangj gijmaz vah dem.

“Gou baez dingqnyi gij singyaem mwngz baihlaj couh hwnjdaeuj lo.” Doiqfueng youh naeuz.

Denhgen roxnyinh aen dienhvah neix daiq yienghneix lo, hoeng aen dienhvah neix mbouj habcik caiq dingq roengzbae, Denhgen couh haep soujgih hwnjdaeuj lo. Itcig daengz seizneix, Denhgen cij sawqmwh roxnyinh aen soujgih neix itdingh dwg mehmbwk ndeu. Seizneix dienhvah youh yiengj lo, dwg bouxsai daxbaenh haenx.

“Baenzlawz youh goenq la? Mwngz naeuz gou nyi, mwngz youq gizlawz?”

Denhgen youh gvengvak soujgih, Denhgen mbouj siengj rox doengh cungj saeh neix, yienznaeuz Denhgen lumjnaeuz gaenq mingzbeg dwg gijmaz saeh lo, hoeng dienhvah youh yiengj lo, lijdwg bouxsai daxbaenh.(5)

“刮大风最好别出门，谁知道风会把哪棵树吹倒。”天健对自己老婆说。

很快就要到十月了，天健原来都做好了准备，他想去南方小镇玩几天，这几天他一直在研究 《旅游指南》，但眼下肯定是去不成了。喝完酒，天健又在沙发上躺下来。他把放在桌上的《旅游指南》放到下面那一层，下面那层放了些茶叶和咖啡桶，还有一袋坚果，没事的时候，天健会吃点儿坚果。据说这种东西对血管有好处。天健躺下来，拿了几颗坚果，一边吃一边开始打电话。他查了一下这个不知道是什么人的手机上的通讯录，一般来说， 不管是谁的手机，通讯录上的那些人手机主人总该认识。

第一个电话马上就打通了，这个人的语气有点儿兴冲冲的。 “甜心，我猜你就会打电话过来。”这个人小声说。

天健没说话，天健觉得对方的语气有些怪怪的。

“甜心。”这个人又小声说。

天健说话了，天健说：“你认识不认识这个手机的主人？”

对方马上就卡住了，喘气，咳嗽了一声，电话给放下了。

天健又把这个电话拨了一下，这个电话又被接了起来。

天健又把刚才的话重复了一遍。

“不认识，我不认识，你打错了，我跟你说我不认识。”对方说。

“你不是‘甜心’吗？”天健说。

对方不说话了，但手机马上又挂了。

天健只好再拨通讯录上的第二个电话，电话响了几声，被接了起来，对方小声说：“好家伙，有点儿晚了吧，我都回家了。”

天健没吭声，因为对方的话一句接着一句。

“她在洗澡呢，不过我可以溜出来，咱们可以在车上。”电话里的男人说。

天健这才开了口：“我想问你一下你是不是认识这个电话的主人。” 电话那边一下子就卡了壳，可能是被吓了一跳。

“你认识不认识？”天健说。

“什么事？你是谁？”对方说。

“你认识不认识机主？”天健说。

“不认识，你打错了。”这个电话里的男人说。

“你说一下，怎么这个手机上会有你的电话号码。”天健说。

“你弄错了吧，我的电话许多人都有。”对方说，把电话挂了。

“有意思！”天健觉得这个不知怎么就落到自己手里的手机不是普通的手机了，接电话的两个男人一开始都那样，有一个还 “甜心，甜心”，到后来忽然都说不认识，这手机恐怕不是一般人的手机，天健感觉到了，手机的主人不是一般人，这几个电话也太暧昧了。

天健又找到一个电话，他又开始拨，接电话的又是一个男的。

“你讲话。”电话里的男人说。

天健没说话，因为这个男人马上又接着说：“我们还没完呢，还在喝。”

天健觉得这个电话很有意思，都快十一点了，还有一帮人在喝酒。

“你是不是想我了？”这个男人在电话里小声说，说他已经从房间里出来了，在走廊里， “你什么意思？是不是想让我这就过去？你说话啊。”

天健不说话，他想听听对方还会说什么。

“我一听你的声音下边就起来了。”对方又说。

天健觉得这个电话可真是太那个了，但这样的电话可不宜再听下去，天健把手机合起来了。直到这会儿，天健才忽然觉得这手机一定是哪个女人的。这时候电话又响了，是刚才那个男的。

“怎么断了？你告诉我，你在什么地方。”

天健又把手机关了，天健不愿意知道这种事情，虽然天健好像已经明白了是怎么回事了，但这时电话又响了，还是刚才那个男的。（5）