Ngaizbakranz Dungcuz Sanh- gyangh、byaraemx Dahlizgyangh、Bwzhaij Yinzdanh、ciet max doxdik Yungzsuij、mbanj gyaeunanz Bah- maj……Ndwen 8 ngoenz 10, youq gwnz aen hoih doigvangq gaisau lijyouz vwnzva Guengjsae 2018 “byaij doh lajmbwn·sim gyaez Guengjsae” Niujyoz Lenzhozgoz Cungjbu banh haenx, ngaizbakranz Dungcuz baenz gij yawjdiemj haiciengz ndawde diemj ndeu, caemhcaiq ndaej daengz bak lai bouxhek camgya aen hoih haenx haenhndei.

“Ngaizbakranz” dwg gij laex ceiq sang Dungcuz daihhek, caemh- caiq miz gij gangjfap “gwn ngaiz- bakranz、lienz sim bak ranz、gyaep sez bak cungj、baenz saeh bak yiengh”. Moix daengz mwh mbanj caeuq mbanj dox baedauq roxnaeuz miz bouxhek daeuj cunz, daengx mbanj gak ranz couh gag bwh haeux byaek laeuj, caez daengz diegbingz ranzgujlouz baij daiz yiengh cih “1”, bouxhek ndaej daj daiz daih’it gwn daengz daiz ceiq byai, youq mwh gwn ngaiz gyau baengzyoux、gwn liux ngaizbakranz、lienz sim bak ranz.

Geij bi neix daeuj, Sanhgyangh Dungcuz Swciyen haenqrengz haiguh hong lijyouz banggungz, caemhcaiq dawz ngaizbakranz、foux aenvenz caijdangz、dohyeh daengj vwnzva minzcuz Dungcuz gig miz daegsaek minzcuz haenx yungzhaeuj lijyouz bae, hwngfat youzcet daejniemh vwnzva minzsuz, ndaej daengz gyoengq bouxhek ndaw guek rog guek haengjgyaez. Ciuq cam rox, bi 2018 ndwen 1 daengz 7, Sanh- gyangh lijyouz cungjsoq vunz daengz 562.6156 fanh vunzbaez, lijyouz ndawbiengz cungjsouhaeuj 419995 fanh maenz; ndawde rog guek lijyouz cungjsoq vunz 13.0944 fanh vunz- baez, rog guek lijyouz cungjsouhaeuj 4940 fanh meijyenz.

(Cuih Haijdungh)