Bi 2014, Lozcwngz Mulaujcuz Swciyen Swbaj Cin Dimwnz Cunh Mulaujcuz nungz- minz Vuz Gyangz, bonjfaenh gag cauhnieb, laebbaenz Gaihmingz Ciengxndaem Nungz- minz Hozcozse, gungh roengzngaenz 100 lai fanh maenz guhbaenz aen gihdi ciengx ngwz ciemq dieg 800 lai bingzfanghmij he.

Geij bi neix daeuj ciengx ngwzhab fanh duz doxhwnj. Dangqnaj, aen hozcozse neix gaenq ndaej bonjcwng Gvangjsih faekciengx doenghduz dieghawq, baenz Lozcwngz bang- gungz gohgi cauhnieb faegbauh gihdi caeuq hagdangz ndawnaz ndawde aen ndeu.

Doenggvaq aen hozcozse guhyiengh daiqdaeuz cozyung, Swbaj Cin Dimwnz Cunh Mbanjdabei cunhminz gaenq miz 18 gya ciengx ngwz, baenz aen mbanjbya Mulaujcuz ciengx ngwz gyae’gyawj okmingz ndeu.

(Mungz Cwnghswh/蒙增师)