8 nyied 5 hauh, youq Dasinh Yen Gingjgih Diegsien Lungzgungh, gyoengqvunz cingqcaih veiz yawj gvanginh doxdax ceng’ak maknganx—maknganx nge dog naek dabdaengz 4540 gwz. Ngoenz haenx, aen yienh neix banh aen hozdung bi 2018 Dasinh maknganx densangh ndei nienzcingz, doenggvaq ceng- ak doxdax maknganx、 ceng’ak doxdax gwnz muengx gai maknganx、doxdax ingjsiengq maknganx、youz gingjgih diegsien lungzgungh、mbaetsou maknganx mbouj aeu cienz daengj hozdung, coicaenh lijyouz、nungzyez caeuq densangh hwngfat doxyungz haeujlaeg.

Ciuq cam rox, Dasinh Yen dwg Cungguek roek daih maknganx swnghcanj gihdi ndawde aen ndeu, ndaem gomaknganx 31200 moux, bineix haeuj geiz sang canjlieng, canjlieng iek 15000 lai dun, canjciz iek 4500 fanh maenz. Daengz dangqnaj, doenggvaq densangh gwnz sienq laj sienq gaicawx maknganx ndei haenx gaenq dabdaengz 400 lai dun, yawhgeiq daengz 8 nyied 20 hauh gai goj dabdaengz 2000 lai dun.

(Cinz Civanj/覃志婉)