《Deqcaj》denyingj dinj Vah- cuengh cauhnduj Dunghlanz swnj- laeng 《Nyengh Mbouj Deqcaj》 seiz- neix cingq gaepingj ndaej nauhyied dangqmaz. Bouh benq neix youz Dunghlanz Yen Minzyijgiz cauhguh okdaeuj, bang vunz gaeuq yienj 《Deqcaj》 dajcauh, lwnhgangj le gij gojgaeq hawj vunz gamjdoengh dieglaux gwzming lwgnyez louz mbanj Myauzmyauz、Dahmeiz、Daeggvangh daengj aenvih gyoengq bohmeh daengx bi ok rog dajgoeng, gyoengqde mbouj ndaej mbouj rap dawz mbaq rap “bohranz” ciuqgoq daxgoeng daxbuz bi’ndwen geq caeuq daegnuengx bi- ndwen nomj haenx. Baez “seizhah dajsou dajndaem” le, gyoengq bohmeh youq cien gyae dajgoeng haenx daj ndaw sibinz soujgih yawjraen gyoengq lwgnyez youq gyang doengh buek- mingh guhhong, mbouj youz bonjfaenh raemxda doek roengzdaeuj, gyoengqde gietdingh dauqranz cauhnieb, hawj lwgnyez miz aen ranz raeujrub he、hawj lwgnyez ndaej angqyangz maj- hung.

Bouh benq neix doed ok gij cingsaenz gwzming gyoengqvunz dieglaux gwzming mbouj lumz sim- muengh nduj、buekguh baenaj, gaenxmaenx fatyiengz le gij vwnzva conzdungj maenhndei Cunghvaz, swnjcienz gij fungheiq caeuq son- gyauq ndei gyaranz, vih raiz bien faenzcieng moq hwngfat Guengjsae seizdaih moq gietcomz naengzliengh ndei hung’ak.

Ciuq cam rox, bouh benq neix yaek youq ndwen 8 ngoenz 20 gaxgonq boqcuengq, vih caenh’itbouh haeuj- laeg senhconz sevei cujyi hwzsinh gyacizgvanh、angqhoh guek raeuz gaijgwz hailangh 40 hopbi caeuq Guengjsae Bouxcuengh Swcigih laeb- baenz 60 hopbi soengq laex.

(Hanz Cez)