Gwn haeux ndaej le, catcak heuj, Denhgen ciuq gingq cazyawj diuz heuj bonjfaenh, de youh raen gvaengxda bonjfaenh geij ngoenz neix foeg haujlai, cungj dwg aenvih ninz mbouj ndei yinxhwnj hane. Guh sat doenghgij saeh neix le, Denhgen youh dwk dienhvah hawj baih yihyen. Denhgen dingq gij singyaem ndaw dienhvah, hoeng Denhgen mbouj roxyiuj baihhaenx dwg bouxlawz ciep dienhvah, lumjnaeuz dwg boux baengzyoux Denhgangh ndeu, han naeuz vunz lijdwg yienghhaenx, mbouj miz gijmaz bienqvaq. Denhgen dwg doq dwk dienhvah doq daj ndaw daehdajcawx dawz gij doxgaiq youq ndaw cauhsi cawx haenx okdaeuj. Denhgen gig yousim bingz laeujsigloux gvanswnghyenz haenx, hoeng mbouj miz maz saeh law. Denhgen gig haengj gij laeujsigloux cungj baiz neix, daj iq daengz hung, de haemq haengj cungj baiz Gvanswnghyenz neix. Hix couh dwg youq seizneix, Denhgen sawqmwh youq ndaw daehdajcawx daj cauhsi daiq ma haenx fatyienh aen soujgih ndeu, de cingq dawz gij doxgaiq daj ndaw cauhsi cawx ma haenx baez gaiq baez gaiq mbon okdaeuj, couh yawjraen aen soujgih neix lo. Gij yienghceij aen soujgih neix caeuq aen soujgih Denhgen ca mbouj geijlai, Denhgen geij ngoenz neix aenvih yietnaiq mbouj ndei le, cungj dwg miz di moengzloengz he, de dawz soujgih aeu okdaeuj cuengq youq gwnz daizhaeux seiz, lij caengz roxnyinh daengz mbouj dwg aen soujgih bonjfaenh. De bae funghdajcawj raix raemx seiz, cij raen gwnz daizhaeux baij miz song aen soujgih. Denhgen roxnyinh geizheih, baenzlawz lai aen soujgih ndeu okdaeuj. Denhgen fwngz gaem aen soujgih neix, byaij bae gwnz congz ninz yaep ndeu, de hai aen soujgih mbouj rox dwg aen bouxlawz neix. Aen doz bingzmu ndaw soujgih dwg bouxsai hauxseng daenj ndang niuzcaij lamz ndeu. De youh gven soujgih bae, siengjsiengj le, youh dwkhai, youh yawjyawj bouxsai hauxseng daenj baenz ndang buh niuzcaij lamz neix. Ciep roengzdaeuj, Denhgen fan yawj gij doengsaenq moegloeg ndaw soujgih neix, gwnzde cungj dwg doenghgij mingzcoh sengswtswt haenx. Geij ngoenz neix lienzdaemh doek fwn, dienheiq miz di nit, hoeng aen ndangdaej Denhgen ndei raixcaix, mwh seizdoeng de lij bae youzraemx, ndigah di nit neix doiq de mbouj suenq gijmaz, hoeng Denhgen lijdwg youq rog buhbeu lamzdiuz longz geu buhlaengj mong mbang ndeu.

Denhgen laep lwgda yaep ndeu, hoeng de baez laep lwgda couh yawjraen Denhgangh daeggo ninz youq gizhaenx, ndaw ndaeng caeuq gwnz ndang cungj cap miz haujlai diuzguenj, doengh diuzguenj haenx cungj caeuq aen yizgi gyaeujcongz doxlienz dwk, miz aen yizgi ndeu lij cingq mbouj dingz dwk ok bop. Denhgen fwngz ndeu demh youq laeng gyaeuj, yungh lingh fwngz rod loengh gij byoem bonjfaenh, doeklaeng de youh naengh hwnjdaeuj, fan bae foek dauq cimyawj aen soujgih ndaw fwngz, de siengj loengh cingcuj, aen soujgih lai okdaeuj neix dwg ok gijmaz saeh la, baenzlawz ndaej youq ndaw daeh bonjfaenh ne? Denhgen youh hwnjdaeuj, byaij bae funghdajcawj. Denhgen cimyawj aen daeh daj cauhsi daiq ma neix ngeizvaeg yaep ndeu, yienzhaeuh hai bingz laeujsigloux, de gig siengj gwn gaemz ndeu.

Gaiqfaexsaek bingz laeujsigloux gig vaiq couh hai ndaej okdaeuj, de gaem bingz ndumq gwn gaemz ndeu, roxnyinh feihdauh ndei raixcaix, de youh caiq ndumq gaemz ndeu, yienzhaeuh youh yungh gaiqfaexsaek saek ndei bingzlaeuj. Denhgen roxnyinh bonjfaenh wnggai bae ninz yaep ndeu, ninz yaep ndeu caiq gangj, hawj aen uk cingsingj yaepyet, ndeindei siengjsiengj dwg ok gijmaz saeh la. Caj yaep ndeu de lij aeu bae feihgihcangz baez ndeu, mehyah Denhgen banhaemh aeu dauqma, riengzlaeng, de lij aeu youq ndaw yihyen buenx congz. Youq yihyen buenx congz hix mbouj miz gijmaz, cijdwg daengz lajbonghhwnz le, Denhgen gig lau bae aen diengzhaex byai lajroq laepngaungau haenx. Yienznaeuz banhaemh doengh boux husw haenx cungj youq, hoeng Denhgen cungj roxnyinh ndaw diengzhaex lumjnaeuz miz gijmaz doxgaiq nei. Lij miz couh dwg aen dendih yihyen, Denhgen banhaemh hix gig lau naengh aen dendih haenx. Denhgen mbouj haengjheiq yihyen, gizsaed boux- lawz cungj mbouj haengjheiq yihyen.

Denhgen siengj hawj bonjfaenh geiq ndaej hwnj, vihmaz lai ok aen soujgih neix, aiq dwg youq seizlawz deng vunz cuengq youq ndaw daehdajcawx bonjfaenh luba. Denhgen siengj hwnjdaeuj lo, bonjfaenh bae yihyen seiz, cingq miz geij boux vunz gvaqdaeuj yawj Denhgangh daeggo, geij boux vunz haenx lij cawx le vasien caeuq lwgmak, yienzsaek cungj gig ndeiyawj, cungj cuengq youq gwnznamh gaenh conghcueng baihhaenx, giz deihfueng haenx lij miz aen daeh wnq, dangyienz aen daeh Denhgen daj cauhsi daiq ma haenx hix cuengq youq gizhaenx. Denhgen mbouj roxnaj geij boux vunz haenx, hoeng de roxyiuj, geij boux vunz haenx dwg gij baengzyoux Denhgangh daeggo, gyoengqde caez bae ep bya, ceiq gyae lij bae daengz aen daemzmbwn laj dinbya Byabozgwzdazfungh gvaq, gyoengqde youq gizhaenx lij gangj daengz Mehvuengzsae, caezgya cungj nyinhnaeuz, Mehvuengzsae cij mbouj gvaq dwg mehvunzlanh caeuq haujlai goengvunzlanh ninz gvaq hane. Denhgen roxnyinh aen soujgih neix, aiq dwg gyoengqde ndawde boux ndeu, hoeng Denhgen siengj mbouj hwnjdaeuj lo. Boux vunz neix vihmaz dawz soujgih cuengq haeuj ndaw daehdajcawx bonjfaenh daeuj ne, aiq dwg swnhfwngz cuengqcak hane, hoeng Denhgen siengj mbouj hwnjdaeuj lo, gwnznamh seizhaenx cuengq le gijmaz doxgaiq, beijlumj dwg mbouj dwg cingqngamj hix cuengq miz daehdajcawx bouxwnq, cij miz yienghneix, cij aiq deng cuengq loek daeh. Denhgen daenj buh le, roengz laeuz hai ci bae feihgihcangz. Aenci Denhgen couh dingz youq laj go faexvaiz laj laeuz, hai douci seiz, Denhgen doeksaetyat, miz gijmaz doxgaiq daj gwnz ci fwt mbin roengzdaeuj, fat ok gij singyaem yiengj raixcaix. Denhgen siengj yaep ndeu, roxnyinh haengjdingj mbouj dwg roeggap, aen siujgih neix miz haujlai roeggaencaengh. Mwh doengxngoenz, gyoengqde youq gwnznamh doq yamq iq byaij- dedded doq ngaek gyaeuj degdeg gvaqdaeuj ra doxgaiq gwn, conghbak caeuq gij nyauj gyoengqde cungj dwg saek hoengz.(2)

□ 王祥夫 著 陆晓荔 译

吃完饭，刷了一下牙，天健对着镜子看了一下自己的牙齿，他发现自己的眼袋这几天明显大了起来，都是睡不好的缘故。做完这一切，天健又给医院那边打了电话。天健听着电话里的声音，但天健不明白是谁在那边说话，好像是天康的一个朋友，说人还那样，没什么大的变化。天健是一边打电话一边把买的东西从超市的购物袋里取出来。天健很担心那瓶冠生园石榴酒，但没事，天健很喜欢这个牌子的石榴酒，从小到大，他比较喜欢冠生园。也就是在这个时候，天健忽然在那个超市带回来的购物袋里发现了一部手机，他正把从超市买回来的东西一件一件往外掏，就发现了这部手机。这部手机和天健的那部手机差不多，天健这几天因为休息不好总是有点儿迷迷糊糊，他把手机取出来放在餐桌上的时候还没意识到这不是自己的手机。他去厨房倒水的时候，才终于明白餐桌上现在是两部手机。天健奇怪怎么会多出来一部。天健把这部手机拿在手里去床上躺了一下，他把这部不知道是谁的手机打开。手机屏幕上的图是个穿着一身牛仔蓝的年轻男人。他又把手机合上，想了想，又打开，又看了一下那个穿一身牛仔蓝的年轻男人。接下来，天健看了一下手机里的通讯录，上边都是些陌生的名字。这几天连着下了几天雨，有点冷，但天健的身体很好，冬天的时候他还会去冬泳，所以这点冷对他不算什么，但天健还是在蓝道子衬衣的外边套了件薄一点的灰毛衣。

天健闭了下眼睛，但他一闭眼睛就看见他哥天康躺在那里，鼻子里和身上插了不少管子，那些管子都和床头的仪器连着，有一个仪器还在不停地冒泡。天健把手放在头后，用手抚弄自己的头发，后来他又坐了起来，翻来覆去地看手里的手机，他想弄明白这部多出来的手机是怎么回事，怎么就会在自己的袋子里边。天健又起来，去了厨房。他对着从超市带回来的袋子发了一会儿呆，然后打开那瓶石榴酒，他很想来一口。

木塞子很快就打开了，他就着瓶子喝了一口，味道很好，他又喝了一口，然后又用木塞子把酒瓶塞住。天健觉得自己应该去睡一会儿，睡一会儿再说，让脑子清醒一下，好好想想是怎么回事。待会儿他还要去一趟机场，天健的老婆晚上要回来，接着，他还要在医院陪床。在医院陪床也没有别的，只是到了后半夜，天健很怕去走廊尽头的那个厕所，黑乎乎的。虽然晚上那些值班护士都在，但天健总觉得厕所里像是有什么东西。还有就是医院里的电梯，天健晚上也很怕坐那个电梯。天健不喜欢医院，其实谁都不喜欢医院。

天健想让自己想起来这部多出来的手机是怎么回事，可能是在什么时候被别人放到自己的购物袋里的。天健想起来了，自己去医院的时候正好有几个人过来看他哥哥天康，那几个人还买了鲜花和水果，颜色都很好看，都放在靠窗子那边的地上，那地方还有一些别的袋子，当然天健从超市带回来的袋子也放在那里。天健不认识那几个人，但他知道那几个人是他哥哥天康的钓友，他们总是在一起钓鱼，最远还去过博格达峰下的天池，他们在那里还说起西王母，一致认为西王母只不过是一个很烂的女人和许多很烂的男人睡过觉而已。天健觉得手机可能就是他们其中某个人的，但天健想不起来这个人为什么要把手机放在自己的购物袋里，也许是顺手那么一放，天健想不起当时地上都放了些什么东西，比如是不是恰好也有别人的购物袋，只有这样才有可能放错。天健穿了衣服，下楼开车去机场。天健的车就停在楼下的那棵槐树下，开车门的时候天健给吓了一跳，有什么东西从车上一下子飞了起来，发出很大的响声。天健想了一下，那肯定不是鸽子，这个小区有很多鹁鸪。白天的时候，它们就在地上迈着极碎的步子头一点一点走来走去找食吃，它们的嘴和爪子都是红的。 (2)