Vahcuengh dwg vah raeuz,

Lwg Bouxcuengh lajmbanj,

Bouxboux cungj rox gangj,

Gangj vah raeuz sim’angq.

Ciuhgonq yo hwnjdaeuj,

Caendwg mbouj yungzheih,

Beixnuengx youq itheij,

Caez insik vah raeuz.

Geij naeuz vah raeuz yoq,

Vah raeuz goj caemh gyaeu,

Raeuz caez gyoeb caemh youq,

Gangj vah raeuz mbouj dingz.

Vahcuengh raeuz eu fwen,

Dwen soemj van haemz manh,

Lumj raemx lae raemx langh,

Miz angq youh miz you.

Vah raeuz goj caemh gyaeu,

Eu fwen daeuj haenh angq,

Gaej vut de gvaq vang,

Dangq gorum go’nywj.

Vahcuengh dwg vah raeuz,

Dingqnaeuz vunz guekrog,

Dawz Sawcuengh raeuz doeg,

OK bak raeuzledled.

Vah raeuz goj caemh gyaeu,

Lwgcuengh aeu geiq ndei,

Hawj de lumj raemx lae,

Cienz ndaej ciuh dem ciuh.