●Ndwen 8 ngoenz 1, Bingzgoj Yen banh aen vanjvei bing minz lienzvuen “bet it”“doengz hoh cietlaebbing caez gangj cingz naekgywd”, 《Cing- cung Bauq Guek》《Ngwzheu》《Diuq Hwnjdaeuj》 daengj cezmuz ndeiyawj hawj bouxyawj yawj dwk lwgda mbouj yaep, mboujdan langhbaij le bing vujgingj dungxcaiz lai, hix demgya le gij cingz naekgywg bing minz.

(Nungz Veiswnh)

●Ndwen 7 ngoenz 31 banhaemh, Denzyangz Yen youq Aen Gvangjcangz Baeuqroxdoh banh aen vanjvei vwnzyi cienciengz lwgnyez diuqfoux, vanjvei cawjdaez dwg “foux- doengh geizcik, guhbaenz mwngz gou”. 100 lai boux lwgnyez doxlwnz hwnj daiz biujyienj, vih bouxyawj biuj- yienj 《Loekrumz Iq Baenq Baenq Baenq》《Vunjva Mbin Hwnjdaeuj》 daengj 18 aen cezmuz diuqfoux.

(Vangz Gozsun)

●Ndwen 8 ngoenz 2, ganbu cizgungh Denzlinz Yen Gunghsanghgiz bae daengz Bazgvei Yauzcuz Yangh Vei- byauh Cunh, doenggvaq gij hingzsik gien daengq haiguh gyangjsiz hozdung, caeuq vunzlai doengzcaez hagsib gangj Gij Ngeixnaemj Siz Ginbingz Sevei Cujyi Miz Daegsaek Cungguek Seizdaih Moq.

(Siz Cing)

●Bineix doxdaeuj, Denz- dungh Yen doenggvaq hengzguh dinfwngz gunghcwngz、bang sonsaw gunghcwngz、vwnzva gunghcwngz daengj gungh- cwngz, cujciz gohgyau、vwnzva、veiswngh、nungzyez daengj vunz bae lajmbanj, yungh son’gyauq dinfwngz、soengq yw roengz mbanj、soengq vwnzva roengz mbanj caeuq camcaz fugsaeh daengj lai cungj fuengsik fugsaeh vunzlai gihcwngz. Seizneix gaenq gyoepsuenq haiguh gak cungj son’gyauq hozdung 110 ciengz, cwgoemq daengx yienh 10 aen yanghcin, fat swhliu 6000 lai faenh hawj vunzlai, leih daengz vunzlai 1.5 fanh vunzbaez.

(Huz Yungz)