Denhgen siengj mbouj daengz, fwn doek ndaw cauhsi lij miz baenzlai vunz, aiq dwg gij siengjfap dingzlai vunz caeuq de doxlumj, nyinhnaeuz fwn doek le, ndaw cauhsi vunz couh noix, baenzneix cungj bae cauhsi. Denhgen cawx di noh vaizlwg he, youh cawx doengh cungj mienhbau gat gep haeuxhaet gwn haenx, lij miz naijloz, cungj habdiet benjluenz ndawde dwg naijloz sam gak haenx, moix gep cungj yungh ceijgimbwz ronghlwenq duk ndei, feihdauh ngamjbak raixcaix, loq miz di soemjsetset he, neix dwg cungj feihdauh Denhgen haemq haengj gwn he, de cungj dwg mad youq gwnz mienhbau gwn. Yienghneix de couh bae gietsoq gyau cienz. Gij vunz gietsoq maqhuz lai, hoeng de baizdoih yaep ndeu couh lwnz daengz lo. Song dahsau baizdoih youq baihnaj de haenx cawx le haujlai doxgaiq, cukcuk cuengq rim song aen ci’nyoengx cauhsi. Denhgen yawjraen gij doxgaiq song dahsau gyaeundei yaek cawx haenx, dingzlai cungj dwg gijgwn, baudaengz doengh cungj saejlab cocwd oenq ndaej yienzsaek gig amq haenx. Denhgen hix haemq haengj gwn doengh cungj saejlab neix, yungh geij naed gyaeujsuenq soengq gwn, feihdauh engqgya manh cuenq di, hoeng gwn doenghgij doxgaiq neix, ceiq ndei dwg haeuxcaeuz gwn, gwn sat le couh mbouj caiq okdou lo, miz baengzyoux iu, de hix mbouj okbae. Danghnaeuz gwn doengh cungj saejlab yungh gyaeujsuenq soengq haenx le, ciep roengzdaeuj, Denhgen couh cung boi cazndat ndeu, yienzhaeuh daengx haemh gijmaz saeh cungj mbouj guh, itcig yawj densi. Ndawsim Denhgen gag siengj, song dahsau gyaeundei haenx vihmaz aeu cawx gijgwn baenzlai? Gyoengqde dwg guh cungj hong lawz ne? Gyoengqde dwg aeu daeuj guh hoih- angqhoh, cingj baenz bang vunz daeuj gwn haeux ba? Bouxsoucienz hix dwg dahsau ndeu, de gig vaiq gietsoq liux le, couh dongdak gijgwn youq gizhaenx, song dahsau dawz doxgaiq faenbied cuengq haeuj seiq aen daehhung bae, hoeng fwngz doengh ndaej menh di he lo. Yaek mbouj nguh gij seizgan bouxwnq, song dahsau couh dawz doxgaiq buen daengz bangxhenz aen daizsang ndeu bae, dahsau soucienz haenx couh hainduj gietsoq gij doxgaiq Denhgen. De itmienh gietsoq, Denhgen itmienh gig vaiq cuengq doxgaiq haeuj ndaw daeh bonjfaenh bae. Sawqmwh ndaw cauhsi yiengj bungx sing ndeu, singyaem yiengj ndaej gok raixcaix, gyoengqvunz caez coh baihhaenx muenghyawj. Denhgen hix coh baihhaenx muenghyawj yaep ndeu, hoeng de gijmaz cungj yawj mbouj raen, ndawsim Denhgen gag naemj, aiq dwg bungq laemx gijmaz doxgaiq luba, laemx deng vunz la? Hoeng neix mbouj caeuq de miz gijmaz gvanhaeh, de cuengq doxgaiq roengz ndaw ci’nyoengx le nyoengx okdaeuj seiz, ndaw cauhsi youh yiengj sing bungx ndeu, baezneix ndaej haengjdingh, dwg miz doxgaiq deng bungq laemx lo. Gaenq yaek daengz banringz lo, byaij ok cauhsi seiz, Denhgen youh yawjraen song dahsau gyaeundei haenx, gyoengqde youq bakdou cauhsi lumjnaeuz youh bungz daengz gijmaz saeh nei, miz daeh gijgwn ndeu sanq youq gwnznamh, lumjnaeuz song dahsau haenx yaek ra gijmaz doxgaiq nei. Denhgen byaij okdou le, lij veq gyaeuj yawj gyoengqde baez ndeu, song dahsau haenx lij ra doxgaiq, youh raix song daeh doxgaiq youq gwnznamh. Denhgen raen baihrog fwn doek iq dihe le, couh mbouj hai liengj, danghnaeuz hai liengj, ndaw fwngz caiq riuj song aen daeh couh gig mbouj fuengbienh lo.

Denhgen byaij coh cauhsi doiqmienh bakdou hagdangz naengh cico sien bae yihyen yaep ndeu, de siengj yawjyawj daeggo de Denhgangh ngoenz- neix baenzlawz yiengh lo, seizneix singj gvaqdaeuj mboujcaengz. Canghyw naeuz, ngoenzneix dwg ngoenz daihroek, diuz guenj gwnz gyaeuj haenx wnggai dawz roengzdaeuj lo. Denhgen roxyiuj, diuz haenx dwg guenjyinxlae, gij raemxlwed caeuq raemxndang ndaw uk daeggo, cungj swnh diuz guenj neix menhmenh lae roengz ndaw bingz. Denhgen siengj mbouj daengz, Denhgangh ndaej ok cungj saeh neix, banhaet youq ndaw gunghyenz lienh- ndang seiz, deng gofaex laemx roengzdaeuj haenx daenz dawz lo, gofaex haenx mbouj mbieng mbouj ngeng cingq ngamj daenz daengz gwnz gyaeuj de. Gaenq dwg ngoenz daihroek, yihyen hix hawj daeggo Denhgen guh cienzmienh genjcaz lo. Gofaex haenx dwg daenz dawz aen ukiq daeggo Denhgen, couh dwg naeuz, daeggo Denhgen danghnaeuz ndaej singj gvaqdaeuj, aiq ciengxlwenx dwg vunzcizvuz lo, hix aiq dwg ciengxlwenx singj mbouj gvaqdaeuj. “Singj mbouj gvaqdaeuj dwg gijmaz eiqsei?” Denhgen cam boux canghyw haenx, boux canghyw haenx dauqfanj naeuz, aeu sikhaek ngeng aenndang vunzbingh gvaq biengj ndeu bae, yienghneix couh mbouj yungzheih deng gij huq rueg saek dawz le mbaetcaw lo. Geij ngoenz neix rumz bongj haenq lai, hoeng bouxlawz hix siengj mbouj daengz, miz gofaex deng bongj ndaej yaek goenq ndeu, gingqyienz lij daengj youq gizhaenx mbouj laemx roengzdaeuj, engq hawj vunz siengj mbouj daengz, rumz dingz le, gofaex cij laemx roengzdaeuj, caemhcaiq yaep ndeu couh laemx deng bouxvunz ndeu, bouxvunz neix bienbien couh dwg daeggo Denhgen. Geij ngoenz neix, Denhgen byaij roen seiz, cungj dwg gig haeujsim gij faex henz roen. Doenghgij faex henz roen cungj gig geq lo, miz mbangj mbawfaex gaenq hainduj bienq henj. Denhgen siengj, henz roen miz haujlai gofaex, saek seiz aiq laemx roengzdaeuj, aiq daenz dawz bouxvunz ndeu le, deng soengq daengz yihyen bae.

Gwn haeuxcaeuz seiz, Denhgen cij gwn aen lwggwz cauj ndeu. De haemq haengj gwn cungj lwggwz cauj neix, cungj lwggwz cauj neix youq hangzbyaek gizhaenx miz gai, bouxgai haenx cungj dwg doq cawj doq gai, Denhgen lij swnhbienh caiq cawx song aen lwgmanh cauj, lwggwz caeuq lwgmanh doxgyaux le ndei gwn raixcaix. Dangyienz gij byaek neix aeu dwk di gyaeujsuenq singjsien he roengzbae. (1)

天健想不到下雨天超市也会挤满了人，可能是许多人的想法恰巧和他都一样，都以为下雨超市人少就都去了超市。天健买了些小牛肉，还有早餐吃的那种切片面包，还有奶酪，那种扁圆的铁盒子，里边是三角形的那种奶酪，每一片都包着亮闪闪的金箔，十分可口，有那么一点点酸，这是天健比较喜欢的口味，他总是把它抹在面包上吃。然后他就去结账了。结账的人还不少，他排了一会儿队就到了。他前边的两个年轻姑娘可真是买了不少东西，足足放满了超市的两个手推车。天健注意到这两个漂亮姑娘买的几乎都是食品，包括那种颜色很深而且很粗的熏肠。天健也比较喜欢吃这种肠，吃的时候还会就几瓣大蒜，味道就更冲，但吃这种东西最好是晚餐的时候，吃完了就不再出门了，有朋友约他也不出去。如果吃这种就着大蒜的肠，接下来，天健就会给自己来杯热茶，然后会整晚上什么也不干，一直在看电视。天健心里想，这两个漂亮姑娘买这么多食品做什么？她们是做什么的？她们会不会是要来个派对，请一大帮人在一起吃饭？收款员也是个年轻姑娘，她很快就把东西刷完堆在了那里。那两个姑娘把东西分类放在四个大袋子里，这就慢了一些。为了不耽误别人的时间，那两个漂亮姑娘就把她们的东西往旁边的高台上搬了一下，收款的姑娘就开始给天健刷他买的东西。她一边刷，天健一边很快地把东西往袋子里放。超市里这时突然砰的一声，声音很响，人们都朝那边看。天健也朝那边看了一下，但他什么也看不到，天健心里猜想是什么倒了，会不会砸到人。但这跟他没什么关系，他把东西放在车上往外推的时候，超市里又砰地响了一声，这下子可以肯定是又有什么东西倒了。已经快到中午了，在出超市的时候，天健又看到了那两个漂亮姑娘，她们在门口像是遇到了什么事，其中的一个把口袋里的东西摊了一地，好像是在找什么。天健出去的时候，又回头看了一下，那两个姑娘像是还在找什么，又把另外一个袋子里的东西摊了一地。天健发现外边雨小多了，所以他没有把伞打开，要是打开伞，手里再拎着那两个袋子就很不方便。

从超市出来天健去对面学校的门口打出租车先去了一下医院，他想看看他哥哥天康今天怎么样，这会儿醒来没有。大夫说今天是第六天，脑袋上的那根管子应该取掉。天健知道那是根引流管，脑子里的血水和其他液体都会顺着那根管子慢慢流到一个瓶子里。天健想不到天康会出这种事，早上在公园锻炼的时候会给一棵倒下来的树击中，那棵树不偏不倚正好砸在他的头上。这已经是第六天了，医院给天健的哥哥做了全面检查。那棵树击中的是天健哥哥的小脑，也就是说，天健的哥哥醒来后很有可能永远是个植物人，但也有可能就此永远醒不来。“醒不来是什么意思？”天健问那个大夫，那个大夫却说马上把病人身子侧着，这样就不容易被吐出来的东西窒息了。这几天风刮得太大，但谁也想不到有一棵树几乎被刮断了还会立在那里不倒，更让人想不到的是风停了以后它才倒，而且一下子就把一个人击中，这个人偏偏就是天健的哥哥。这几天，天健走路的时候就总是留心路边的树。路边的树都很老了，有些树上的树叶已经开始黄了。天健想路边的树有不少都可能会随时倒下来，随时会把一个人砸到医院里去。

晚餐的时候，天健只吃了一个拌茄子。他比较喜欢吃那种烧茄子，这种茄子菜市场那边有得卖，那个人总是在那里一边烧一边卖，顺便，天健还会再买两个烧辣椒，烧茄子和烧辣椒拌在一起很好吃。当然这个菜里要放些新鲜的大蒜。

(1)