Gou sien gangj mwngz nyi gienh saeh ndeu, gizsaed …… gizsaed gaxgonq gou ciengzseiz daeuj ndaw rug mwngz. Gou daeuj ndaw rug mwngz, mizseiz youq gwnz mbonq mwngz ninzninz, mizseiz bang mwngz uet daiz, mizseiz caeuq Giujgiuj guhcaemz yaep ndeu.

Gvaiq mbouj ndaej gou naeuz baihrog faenx baenzneix lai, baenzlawz gwnz daiz gwnz daengqeij duh gou lij baenzneix seuq, lij ndei mbonq gou mbouj suenq uq lai, mboujnex, hawj mwngz ninz daiq mbouj eiqseiq lo. Hoeng doenghgij neix mwngz gangj caeuq vwndiz gou cam, lumjnaeuz mbouj miz gijmaz gvanhaeh ba?

Baenzlawz mbouj miz gvanhaeh ne? Mwngz siengjsiengj gou rox luenh bae ndaw rug vunzwnq youq lwi? Gou rox luenh bae gwnz mbonq vunzwnq ninz lwi? ……

Haj

Yenz Fangh youq doiqnaj diuzgai “Namzbaek Daegsaek Bouqhaeux” dingh daiz byaekhaeux ndeu, neix dwg de baez daih’it cingj daengx ranz vunz gwnhaeux. De yaek gaisau Cuh Yijlanz hawj daihgya, aenvih song vunz yaek baenzgya lo.

Duenh seizgan neix vunz ndaw ranz gag miz saehcingz, gig nanz mbouj comz youq gwnhaeux lo.

“Namzbaek Daegsaek Bouqhaeux” mbouj dwg gijmaz bouqhaeux gaugaep, gai gij haeux byaek bingzciengz.

Gwnhaeux seiz, lumj bingzciengz nei, vunz naengh rim daiz, lij demgya le Cuh Yijlanz. Yenz Fangh lai yawj le cejfou song da. Yauz lizswh caeuq baeznaengz ityiengh, saenzcingz yienhda. Caiq Yawj beixnangz Linz Coz, caeuq baeznaengz ityiengh, lij saundei dangqmaz.

Cuh Yijlanz daihfueng dwk heuh bohmeh Yenz Fangh guh bohlungz、 mehbaj, heuh Yenz Yenz、Yauz Gyanghhungz guh cejdaih、 cejfou, heuh Yenz Cangz、Linz Coz guh go’ngeih、beixnangz.

Song vaihseng naengh youq bangxhenz daxmeh heuh naeuz, mehnax ndei.

Cuh Yijlanz riu naeuz, sien heuh daxheiz ba.

Yenz Fangh naeuz, couh heuh mehnax.

Lwg vaihseng ndeu naeuz, nax, sou seizlawz baenzgya, aeu cingj geijlai vunz, gou ndaej cingj di siujbaengzyoux ndeu daeuj camgya lwi?

Yauz Gyanghhungz naeuz, sou song vunz couh gaej naemj guhcaemz lo, ndeindei hawj gou hag ndei Yinghyij gonq.

Yenz Yenz naeuz, gvaq geij ndwen dou dajsuenq soengq gyoengqde bae Meijgoz doegsaw, yaek hwnj siujyoz lo, mbouj ndaej nguh lo.

Cuh Yijlanz naeuz, nienzgeij baenzneix iq couh soengq okbae, sou sij ndaej?

Yenz Yenz han, sij mbouj ndaej hix aeu soengq, vih gyoengqde ndei.

Yenz Yin cam, Siujcuh dwg aen yozyau lawz bizyez?

Cuh Yijlanz han, veiyau.

Yenz Yin youh cam, seizneix guh gijmaz hong?

Cuh Yijlanz naeuz, gag hai diemqyw.

Yenz Yin naeuz, gag guh seng’eiq dwgrengz raixcaix, baezlaeng miz lwgnyez le engq dwgrengz, siengj mbouj siengj lingh ra faenh hong an’onj ndeu? Swnh meh Yenz Fangh lij dang fuyencangj, youq ndaw yihyen hawj mwngz ra faenh hong ndeu. Danghnaeuz mbouj siengj youq yihyen guh, gizyawz hong hix ndaej, dou daihgya caez siengj banhfap, haujlai vunz vanzlij deng gai aennaj hawj Ranzyenz dou.

Cuh Yijlanz han, mbouj yungh lo, gou roxnyinh seizneix gig ndei.

Yenz Yin mbouj doengzeiq dwk liuq Cuh Yijlanz da ndeu.

Cangh Ciuhyez doiq Cuh Yijlanz dah “godijhu veiyau bizyez” neix hix mbouj dwg daiq muenxeiq. De naeuz, aiya, mbouj rox sou dingqnyi caengz, dahlwg Naxgungj sou Liuz Gez haq hawj vunz- guekrog, mboengqneix ngamq daj guekrog dauqma, heuhguh haijgveihbai, guh gijmaz CEO IT hangz- nieb. Aiya, Gungj Sucinh seizneix caen dwg ndaengmoj lo.

Yenz Yenz naeuz, o, ngeix daengz dangco Naxgungj daeuj ranz raeuz seiz, lij siengj hawj Liuz Gez dang lwgbawx ranz raeuz ne, aen seiqgyaiq neix bienq ndaej caen vaiq, gou mwhhaenx couh yawj ndaej ok Liuz Gez dahsau haenx coengmingz lingz- leih dangqmaz.

Cangh Ciuhyez naeuz, lwg vunzhoj danggya vaiq ya. Ndaw vah daiq miz gij heiq doeknaiq.

Cuh Yijlanz mbouj rox Liuz Gez ndaw bak daihgya dwg bouxlawz, liuqyawj Yenz Fangh.

Yenz Fangh naeuz, meh, cejdaih go’ngeih mbouj dwg hix gig ndei ma? Mbouj rox geijlai vunz hozhaenz mwngz ne. Gou ne, yienznaeuz mbouj ndaej hawj mwngz miznaj, hoeng hix itdingh mbouj sat naj mwngz, gou ndangdaej cangqvuengh、sim- angq dangqmaz, ciengx ndaej swhgeij, sou couh wnggai roxnyinh sim’angq.

Cuh Yijlanz naeuz, swhgeij gvaq ndaej ndei couh baenz, baenzbaenz youh mbouj dwg gvaq hawj vunzwnq yawj.

Naj Cangh Ciuhyez laep roengzdaeuj lo, gwnz daizhaeux caemdingh yaep ndeu.

Yenz Cangz cuengq dawh roengzdaeuj, cing- cing sing, naeuz, gou gangj song gienh saeh, cungj dwg saehndei, it dwg gij saeh gou dang fuyaucangj haenx gaenq dingh roengzdaeuj lo, ngeih dwg Linz Coz mizndang lo.

Cangh Ciuhyez camhseiz lumz le gij saeh mbouj vuenheij, heuh hwnjdaeuj, ndei lai lo, aiya, song gienh saehndei haeuj ranz. Siujlinz, mizndang ndaej geijlai nanz gvaq?

Linz Coz mbouj eiqseiq, naj hoengz dwk han, ndwen lai ndwi.

Yenz Yin naeuz, mbouj loek, ndeindei guh.

Yauz Gyanghhungz naeuz, cukhoh, gou yaek caeuq mwngz gwn cenj laeuj ndeu.

Yenz Yenz caeuq Yauz Gyanghhungz naeuz, goengheij goengheij.

Yenz Fangh yawj dwk Linz Coz, ndaw uk siengj, neix dwg mbouj dwg doenggvaq yinzgungh soucingh daeuj mizndang?

Linz Coz hix yawj gvaqdaeuj, yiengq ndaw cenj dauj raemxmak, yaengx hwnjdaeuj naeuz, daeuj, gou yungh raemxmak daeuj dang laeuj gingq sou cenj ndeu, Yenz Fangh, docih! Yijlanz, angqcoux mwngz baenz vunz ranz raeuz.

Cuh Yijlanz hix yaengx cenjlaeuj mbaeumbaeu bungq gvaqbae.

Raemxlaeuj fubfed.

(19 sat)

我先告诉你一件事，其实……其实以前我经常到你房里来。我到你的房里来，有时在你的床上躺一躺，有时帮你把桌子擦一擦，有时和久久玩上一会儿。

难怪我说外面灰尘这么大，怎么我的桌椅还是那么干净，好在我的床不是很脏，不然让你躺太难为情了。你说的这些和我问的问题好像没有什么关系呀？

怎么会没有关系呢？你想我会到其他人的房里去待吗？我会睡到别人的床上去吗？

五

袁方在街对面的“南北风味馆”订了一桌饭菜，这是他第一次请全家吃饭。他要将朱雨兰介绍给大家，因为他俩要结婚了。

这段时间家里人各有各的事，很久没有聚家宴了。

“南北风味馆”不是什么高级的饭馆，弄的是家常菜。

吃饭的时候，和平时一样，满满地坐了一桌人，新增加了一个朱雨兰。袁方多看了姐夫两眼。饶律师跟平时一样气宇轩昂。再看嫂子林卓，跟平时一样是个风度优雅的大美人。

朱雨兰大方地叫袁方的父母伯父伯母，叫袁圆、饶江红大姐、姐夫，叫袁长、林卓二哥、二嫂。

两个小外甥坐在母亲旁边喊，舅妈好。

朱雨兰笑起来说，先叫阿姨吧。

袁方说，就叫舅妈。

一小外甥说，小舅你们什么时候结婚，要请多少人，我可以请一些小朋友参加吗？

饶江红说，你们两个就不要惦记着玩了，好好给我把英语学好。

袁圆说，我们过几个月打算把他们送到美国去读书了，快上小学了，不能耽误了。

朱雨兰说，这么小就送出去，你们舍得？

袁圆说，舍不得也要送，为了他们好。

袁韫问，小朱是哪个学校毕业的？

朱雨兰说，卫校。

袁韫说，现在做什么工作？

朱雨兰说，个体户。

袁韫说，做个体很辛苦的，以后有了小孩更辛苦，有没有想过找一份稳定的工作？趁袁方他妈妈还在位置上，在医院里给你找一份工作。如果不想在医院干，其他工作也行，我们大家想办法，很多人还是要给我们袁家面子的。

朱雨兰说，不用了，我觉得现在挺好的。

袁韫不以为然地瞟了朱雨兰一眼。

章秋月对朱雨兰这个“卫校毕业的个体户”也不是很满意。她说，哎呀，不知道你们听说没有，孔阿姨的女儿刘洁嫁了个老外，这阵子刚从国外回来，叫海归派，做什么IT行业的CEO。哎呀，孔素贞现在是真正抖起来了。

袁圆说，哦，想当初孔阿姨上我们家来的时候，还想把刘洁给我们家当媳妇呢，这世道真是变得快，我那时就看出刘洁那小妮子聪明伶俐的。

章秋月说，穷人的孩子早当家啊。语气里有明显的失落。

朱雨兰不知道大家说的刘洁是谁，拿眼看袁方。

袁方说，妈，大姐二哥不是也很棒吗？不知道多少人羡慕你呢。至于我，虽然没给你挣面子，但绝没有给你丢人，我健健康康快快乐乐，能养活自己，你们就该感到高兴。

朱雨兰说，自己过得好就行，反正又不是过给别人看的。

章秋月的脸阴了下来，饭桌上出现短暂的沉默。

袁长放下筷子，清清嗓子说，我宣布两件事情，都是好事，一是我当副校长的事已经定了，二是林卓怀上孩子了。

章秋月暂时忘记不快，叫起来，太好了，哎呀，双喜临门。小林，有多长时间了？

林卓不好意思地红着脸说，才一个多月。

袁韫说，不错，好好干。

饶江红说，祝贺，我俩得喝一杯。

袁圆和饶江红说，恭喜恭喜。

袁方看着林卓，脑子里想，这孩子是不是人工授精的结果呢？

林卓也看过来，往杯里倒了果汁，举起来说，来，我拿果汁当酒敬你们一杯，袁方，谢谢！雨兰，欢迎你成为我们家的一员。

朱雨兰也举起酒杯碰过去。

酒水荡漾。 (19 完)