Denzlinz Yen genhciz gij roen- naemj vut gungz gunggeng “saek- loegvaq” “swnghdai hwnjguh canj- niebvaq, canjnieb hwnjguh swngh- daiva”, cienzmienh hengzguh “loeg rim Denzlinz” gunghcwngz. Seizneix, daengx yienh linzyez canjciz daengz 7.17 ik maenz, haujlai ranzgungzhoj doenggvaq cauh ndoeng ciengjbouj daengj ndaej cujyau ginghci sou- haeuj.

Denzlinz dwg aen yienh Guengj- sae diegnamh mienhcik ceiq gvangq, dieg gvangq vunz noix. Aen yienh neix yungh gijndei bonjfaenh, yungh “gunghswh+hozcozse+nungzhoh (ranzgungzhoj)+gihdi+hanghmoeg” daengj vunqsik, haenqrengz guh ndei “saekloegvaq” vut gungz gunggeng faenzcieng: Miz 45 aen mbanjgungz- hoj 375 ranz gyaeujvunz gungzhoj, ndaej cunghyangh caizcwng cauh ndoeng boujdiep, bouxvunz bingz- yaenz 417 maenz; miz 31 aen mbanj- gungzhoj 106 ranz gyaeujvunz gungz- hoj, ndaej ganq ndoeng boujdiep, bouxvunz bingzyaenz 1076 maenz; miz 35 aen mbanjgungzhoj 187 ranz gyaeujvunz gungzhoj ndaej youzcaz cauh ndoeng hanghmoeg bangbouj, bouxvunz bingzyaenz 183 maenz; miz 105 aen mbanjgungzhoj 1.84 fanh ranz gyaeujvunz gungzhoj, ndaej ndoeng swnghdai yauqik dienzbouj, bouxvunz bingzyaenz 291 maenz daengj.

Ciuq cam rox, vih cungfaen leihyungh gij hoenggan gvangqlangh ndaw ndoengfaex、 laj ndoengfaex, aen yienh neix cingjhab bouhmonz ngaenzcienz caeuq banggungz haifat cienhangh ngaenzcienz, leihyungh 680 lai fanh moux diegndoeng, youq laj gofaex ciengx gaeq、 ciengx mou、ciengx yiengz daengj, caeuq ndaem raet、raetmoegngaex、hing、maenz、duhhenj daengj daegsaek daj- ndaem, gya’gvangq diuzroen hawj bouxguhnaz gungzhoj laisou, saed- yienh laj ndoengfaex ginghci canjciz daengz 15.37 ik maenz.

(Yenj Cinbyauh)