6 nyied 30 hauh, Vujsenh Yen Dungzlingj Cin Hozcinh Cunh gij hahmizgvah Hinghnungz Hahmiz- gvah Dajndaem Conhyez Hozcozse gaenq cug ndaej gai.

Aen se neix doenggvaq aen mozsi “hozcozse + cizdij ndawmbanj + hohgungzhoj”, sou hohgungzhoj sinhcingj diepsik daigvanj、ngaenz canjyez ciengjbouj haeujguj daengj fuengsik, bangcoh hohgungzhoj youq hozcozse haeujguj faenhoengz、guhhong、diegdeih ngaenzco riuz- cienj、ngaenzbouj banggungz canj- yez daengj seiq aen fuengmienh neix ndaej souik. Dangqnaj, hozcozse gungh roengzngaenz 242 fanh maenz, ndawde,14 aen hohgungzhoj gag comz roxnaeuz doenggvaq banggungz sindai ngaenziq haeujguj 50 fanh maenz, yinxhaeuj 42 aen nungzhoh haeujbae camgya guhhong. Bi’gvaq canjyez gihdi 260 moux hahmizgvah saedyienh demsou 125 fanh maenz, hohgungzhoj haeujguj haenx bingzyaenz demsou 1.8 fanh maenz, ndawmbanj cizdij ginghci demsou 57.9 fanh maenz.

(Lij Ganginh/李干金)