Cauhbingz Yen geij bi neix daeuj cungfaen leihyungh mizleih swhyenz diuzgienh, gaenxmaenx fatdoengh sonyinx vunzlai youq ndawndoeng lai ciengx rwi, lij fat ngaenz banggungz ciengx rwi canjyez 40 lai fanh maenz, bangruz 352 aen hohgungzhoj guh gaj laeb dangj haenx ciengx rwi 6344 rongz, 1431 bouxgungzhoj souh’ik, miz 260 lai hoh doenggvaq ciengx rwi byaij hwnj diuzloh diemzsub vutgungz baenzfouq.

Dangqnaj, aen yienh neix hoh ciengx rwi dabdaengz 2000 lai hoh, ndawde 50 rongz doxhwnj haenx daih’iek miz 500 lai hoh, rongz soq dabdaengz 4.5 fanh rongz baedauq, bi sou ndaej dangzrwi daih’iek 350 dun, canjciz 2800 lai fanh maenz, ciengx rwi gaenq cingqcaen baenz aen yienh neix lajmbanj cungj canjyez saekheu sienmingz daegsaek swnghdai hwngfat、nungzyez dem- yauq、nungzminz demsou ndeu.

(Huz Cangh/胡昌 Vuz Den- ginh/吴殿军 Luz Cauhli/陆超丽)