Sunh Hauyenz cingq ndwn youq bakdou soengq bouxhek, raen Yenz Fangh le couh vadvad fwngz, naeuz, laux doengzhag, gig nanz mbouj raen mwngz daeuj lo, seizneix gou rox mwngz vih gijmaz mbouj daeuj lo, miz fuk lai ha! Sunh Hauyenz liuq Cuh Yijlanz, hemq naeuz.

Yenz Fangh riuhehe, naeuz, mbouj dwg mbouj dwg, gyaeujin ne. De daegdaengq mbouj yawj gij fanjwngq Cuh Yijlanz. Cuh Yijlanz cix dwg mbaengq de baez ndeu.

Sunh Hauyenz bang Yenz Fangh ra aen daiz ndeu, gangj yaep vah ndeu liux, de doiq Cuh Yijlanz naeuz, mwngz rox lwi, Yenz Fangh ciengqgo gig ndei, gaxgonq de moix aen singgeiz cungj daeuj gou gizneix ciengqgo, miz mbouj siuj gohmiz mehmbwk ne.

Cuh Yijlanz naeuz, neix gou saenq.

Yenz Fangh naeuz, gou aen gijndei neix mwngz hix yawj ndaej ok?

Cuh Yijlanz naeuz, mwngz swiqcaemx seiz mbouj dwg ciengzseiz cuengq sing ciengqgo ma? Cuh Yijlanz gangjvah soh, ciengzseiz vah mbouj gvaq uk, vunzwnq dingq hwnjdaeuj, song vunz lumj caezyouq nei. Doengzhag mbouj mingz mbouj beg dwk doiq Yenz Fangh baez riu.

Sunh Hauyenz naeuz, vunz vuenyungz a, hwnjbae ciengq song diuz go ba.

Yenz Fangh ngaekngaek gyaeuj, naeuz, ciengq, itdingh ciengq. Yenz Fangh diuq hwnj daizheiq iq, youq gwnz gyaq bangxhenz dawz aen gizdah ndeu, fwngz baez doengh, gij yaemfuk sep couh yiengj hwnjdaeuj, de doiq dwk mwzgwzfungh naeuz, baihlaj diuz 《Ceiqnoix Lij Miz Mwngz》 soengq hawj dahyoux gou—Yijlanz siujcej. Singgo boiq yiengj hwnjdaeuj. Coenz daih’it ngamq ciengq liux, baihlaj couh miz bouxhek bekfwngz lo. Cuh Yijlanz yawj Yenz Fangh youq gwnzde niuj caekhaex ngauz gyaeuj, yienghceij lij caen miz di lumj mingzsingh, nyaenx mbouj ndaej goemq bak caegcaeg riu.

Yenz Fangh dawz sojmiz bonjsaeh cungj yungh okdaeuj lo, lij yawj cinj gihvei youq gwnznamh guh aen byaleix dajdaengj ndeu. Gyoengq bouxhek hix dingq ndaej hwnjyinx, miz bouxsai ndeu ndwn hwnjdaeuj, gaeuzhwet ngaemgyaeuj dep ciengz byaij, baihlaeng miz mehmbwk ndeu gaenjriengz. Neix bonjlaiz mbouj yungzheih hawj vunz louzsim, ndaw gahfeihdingh vunz haeujhaeuj okok gig cingqciengz. Cij dwg bouxsai neix byaij ndaej gaenj lai, youh dwg ngaemgyaeuj byaij, mbouj louzsim bungq daengz bouxfuzvu dawz buenz ndeu, huz gahfeih ndeu doek youq gwnznamh, gvanglang sing ndeu, din bouxsai deng lanz hwnjdaeuj lo, mbouj ndaej mbouj ngiengxgyaeuj naeuz doiq mbouj hwnj, mbon ok song mbaw cienz daeuj boiz. Doeklaeng, beng dwk mehmbwk, vaiq yamq din, cengdi dwg ndonj ok dou bae.

Cehda Yenz Fangh deng ciuyinx gvaqbae lo, de yawj cingcuj aennaj boux sai haenx lo, dwg Yauz Gyanghhungz, cejfou swhgeij. Hoeng, mehmbwk haenx dwg bouxlawz ne? Haengjdingh mbouj dwg cejdaih. Aen gietlwnh neix hawj Yenz Fangh ciengq loek coenz go ndeu lo. De ngoenzlwenz hawj Yenz Yenz daj denva gvaq, bonjlaiz siengj caeuq de yaenglwnh gij saeh swz hong mbouj guh haenx, cix mbouj ndaej yaenglwnh, aenvih cejdaih naeuz seizneix cingq youq diegrog okcai, aeu song ngoenz cij ndaej dauqma. Ciuq yienghneix daeuj yawj, dahcej baez mbouj youq ranz, cejfou couh miz vwndiz lo.

Caj Yenz Fangh ciengqgo sat, geij bouxhek youh yiendaeuz heuh naeuz caiq ciengq diuz ndeu. Yenz Fangh gaeuzhwet naeuz, daihgya cuengqsim, yietnaiq yaep ndeu liux gou caiq ciengq.

Yenz Fangh dauq daengz gwnz diegnaengh, naeuz Cuh Yijlanz nyi, doiq mbouj hwnj, gou miz di saeh, mwngz caeuq Sunh Hauyenz naengh yaep ndeu, danghnaeuz gou haemh lai mbouj ndaej dauqma, mwngz bae ranz caj gou.

Cuh Yijlanz naeuz, mwngz caen dwgcaengz, baenzlawz youh yienghneix?!

Baezgonq youq gamjfangz hix dwg laemzseiz gveng Cuh Yijlanz roengzdaeuj mbouj guenj, Yenz Fangh swhgeij cungj ra mbouj ndaej aen leixyouz hab ndeu. De naeuz, couh baez neix ndwi lo, baezlaeng mbouj yienghneix lo.

Sunh Hauyenz dwg vunz gvaqdaeuj, mingzbeg itdingh fatseng gijmaz saehgaenj lo, naeuz Yenz Fangh nyi, mwngz bae ba, gou buenx Yijlanz gangjgoj, caj yaep ndeu gou soengq de dauq ranz.

Yenz Fangh gaenjgik dwk ngaekngaek gyaeuj, riengzlaeng Yauz Gyanghhungz gyaep ok dou. Yauz Gyanghhungz hai gyaq ci Baujmaj, ngamq daj ndaw ciengzdingzci hai okbae. Yenz Fangh baez yawj couh nyinh ndaej ok gyaq ci haenx, daj aen cico ndeu gyaep riengzlaeng.

Ci Yauz Gyanghhungz baenaj hai mbouj geijlai gyae, couh van haeuj Nanzfangh Daciujden.

Nanzfangh Daciujden dwg dieg dahcej ya, Yenz Fangh miz di ukluenh lo. Hoeng, dahcej lij youq diegrog okcai, cejfou daengz gizneix daeuj guh gijmaz?

Daengz bakdou ciujden, Yauz Gyanghhungz hai douci hawj mehmbwk roengz ci, swhgeij hai ci haeuj ndaw ciengzdingzci bae.

Yenz Fangh roengz ci le, riengzlaeng meh- mbwk. Mehmbwk byaij gvaq daihding, byaij daengz dieghekgviq baihlaeng. Dieghekgviq dwg geij doengh laeuz iq, baeznaengz mbouj hai, cij anbaiz hawj doenghgij vunzhek daegbied youq. Yenz Fangh ndoj youq laeng baiz va dajcang, raen mehmbwk byaij haeuj hekgviq 4 hauh ceiq doekgungx. Gaenriengz daeng ndaw ranz rongh hwnjdaeuj lo, yiemhcueng deng beng hwnjdaeuj lo.

Yaep ndeu Yauz Gyanghhungz yiengq baihneix byaij daeuj lo, de baihnaj baihlaeng yawj le yawj, ngaemgyaeuj cug caghaiz, hengzdoengh lumj dwzvu nei. Saenq seiqhenz mbouj miz vunz louzsim le, de sikhaek doihai dou hekgviq 4 hauh.

Daeng ndaw ranz hekgviq 4 hauh laebdaeb rongh le saek ngeihcib faen cung, doeklaeng ndaep lo. Benq neix cungj riengzlaeng laep roengzdaeuj lo.

Duznyungz youq henz rwz Yenz Fangh heuh vung’vung, mbouj louzsim, bak、naj、gyaeujndaeng cienzbouh deng haeb lo. Yenz Fangh gaeu naj humz, ngawh youq gizhaenx mbouj rox baenzlawz guh, dwg cigsoh bae roq dou hawj cejfou roxyiuj, roxnaeuz dauq ranz caiq guh dajsuenq? Yenz Fangh cingq gyaeujin, sawqmwh fatyienh mbouj rox seiz lawz miz boux vunz ndeu laeglemx byaij daengz bakdou hekgviq 4 hauh.

Vunzngaeuz sangseuq haenx, dwg dahcej Yenz Yenz.

Uk Yenz Fangh deng daengzdaej loengh luenh lo.(17)

孙浩然正站在门口送客人，见袁方招招手，说，老同学，好久不来捧场了，我现在知道你为什么不来了，好福气啊！孙浩然拿眼瞟朱雨兰，嚷嚷。

袁方呵呵笑，说，哪里哪里，头痛着呢。他故意不看朱雨兰的反应。朱雨兰的反应是掐了他一把。

孙浩然替袁方找了一张台子，闲聊了一会儿，他转向朱雨兰说，你知道吗，袁方唱歌唱得很棒，以前他每个星期都到我这里来唱歌，有不少女歌迷呢。

朱雨兰说，这我相信。

袁方说，我这优点你也看得出来呀？

朱雨兰说，你洗澡的时候不经常扯着大嗓门唱吗？朱雨兰说话大大咧咧不动脑子，别人听起来，两人像是住在一起。同学冲着袁方暧昧地一笑。

孙浩然说，幸福的人啊，上去唱一两首吧。

袁方点点头说，唱，一定要唱。袁方跳上小舞台，在旁边的架子上拿了一把吉他，手一抚动，一串激越的音符响起，他对着麦克风说，下面这首《至少还有你》送给我的爱人雨兰小姐。歌声跟着起来。第一句刚出，底下就有客人鼓起掌。朱雨兰看袁方扭胯甩脖子真还有几分明星影子，捂着嘴偷偷乐。

袁方把看家的本领全拿出来了，瞅准时机还在地上来了个鲤鱼打挺。客人们也听得起劲，有个男人站起来，佝背低头贴着墙边走，后面有一个女人紧跟着。这本来不很显眼，咖啡厅里人进进出出的很正常。只是这男人走得太急，又是低着头走，不留意撞到一个端盘子的服务员，一壶咖啡摔到地上，咣当一声，男人的脚步被阻了，不得不抬起头来说了两句道歉的话，掏出两张票子赔偿。然后，拉着女人，加快脚步，几乎是窜出门去的。

袁方的目光被吸引过去，他看清楚这男人的脸了，是饶江红，大姐夫。可那个女人是谁呢？绝对不是姐姐。这一闪念袁方把一句歌词给唱错了。他昨天给袁圆打过电话，本来想和她讨论辞职一事，却没谈成，因为姐姐说在外地出差，要两天后才回来。看来，姐姐一不在家，姐夫就有状况了。

等袁方唱完歌，几个客人又牵头喊着再来一首。袁方鞠个躬说，大家放心，休息一会儿我再唱。

袁方回到座位上，对朱雨兰说，对不起，我有点事，你跟孙浩然坐一会儿，如果我太晚不回来，你回家等我。

朱雨兰说，你好可恶，怎么又来了？！

前次在鬼洞也是临时把朱雨兰扔下不管，袁方自己都不能给自己找到合适的理由。他说，就这一次，以后不会了。

孙浩然是个过来人，明白肯定有什么急事发生了，对袁方说，你去吧，我陪雨兰聊聊，等会我负责送她回家。

袁方感激地点点头，追着饶江红出门。饶江红开的是他的宝马，刚从停车场开出去。袁方一眼认得车子，打了一辆的士跟上。

饶江红的车子往前开不多远，拐进南方大酒店。

南方大酒店可是姐姐的地盘呀，袁方有点糊涂了。可是，姐姐还在外地出差，姐夫到这儿来干什么呢？

到酒店门口，饶江红把女人放下车，自己将车子开进停车场去了。

袁方下了车，跟着女人好了。女人穿过大堂，走到后面的贵宾区。贵宾区是几栋小楼，平时不开放，只安排一些特殊的客人。袁方藏在花坛背后，看着女人进了最偏僻的贵宾４号。房里的灯跟着亮起来，窗帘子唰唰地拉上了。

一会儿饶江红朝这边走来了，他前后看了看，低下头来系鞋带，举止跟特务行动没什么两样。确信周围没人注意后，他迅速推开贵宾４号虚掩的门。

贵宾４号房内的灯继续亮了约二十分钟，然后黑了。这一带都跟着黑了下来。

一大群蚊子在袁方耳边嗡嗡叫，一不留神，嘴巴、脸蛋、鼻头全遭了殃。袁方抓着发痒的脸，愣在那里不知道该怎么办，是上去当场撞开这件事，还是回家再作打算？袁方头痛之际，突然发现不知什么时候有一个人悄无声息地飘到了贵宾４号门口。

一个高挑的身影。是姐姐袁圆。

袁方被彻底弄糊涂了。 (17)