Vih haeujlaeg doicaenh “caet haj” bujfaz cingzyauq, hawj vunzlai ndawbiengz roxyiuj faplwd fapgvi dienhlig, youq daengx biengz cauh ok gij vanzging ndei ancienz yungh dienh、ciuq fap yungh dienh, ndwen 7 ngoenz 2, Hozciz Si gungdienh bouhmonz、Lozcwngz Swhfazgiz yungh ngoenzhaw youq Lozcwngz Dunghmwnz Cin haiguh aen hozdung senhconz fwen bujfaz, hozdung cawjdaez dwg “fazgij youq sim、fwen guh moiz、fapgvi dawz hengz、aennyenz guh gingj”.

Youq hothoh doiq fwen, boux- guhhong gungdienh gag bien gag dauj, dawz faplwd fapgvi dienhlig bienq- baenz gij fwen doengsug rox ngaih, lij caeuq 100 lai boux bouxyawj laj daiz guh doxdoeng dem, hawj vunzlai dingq ndaej haeuj geiq ndaej maenh. Youq hothoh ciengjdap miz ciengj cihsiz, bouxguhhong bujfaz cam mizgven faplwd cihsiz caeuq yungh dienh cihsiz hawj bouxyawj hoizdap, yinx ndaej haujlai bouxyawj camgya hozdung.

Ciuq cam rox, baez neix lienzhab haiguh aen hozdung senhconz fwen bujfaz, dwg aen diemjrongh Lozcwngz faplwd haeuj gihcwngz he, doengzseiz hix dwg hangh hong cujyau doeksaed “byawz fugsaeh byawz bujfaz” he. Yamqlaeng guhhong, swhfaz、gung- dienh daengj geij aen danhvei lij yaek lienzhab doenggvaq gij hingzsik fwen, youq daengx yienh gak yanghcin cienzdoh senhconz faplwd fapgvi dienhlig, hawj engq lai vunzlai daez- sang faplwd yisiz caeuq fapceih gvanhnen, gyagiengz gij yisiz vunzlai rox fap、hag fap、souj fap、yungh fap, vih baujcang dangdieg ginghci ndawbiengz hwngfat gunghawj gij vanzging fapceih ndei.

(Vuz Sanghyen)