●Bineix daeuj, Denzyangz Yen haenqrengz hwngfat gij canjnieb mak daegsaek, saed- hengz soengq dinfwngz roengz mbanj cangzdaiva, cujciz yienh、yanghcin bouxgisuz haeuj mbanj haiguh sonyinx dinfwngz ndaem mak、biucinjvaq guenj- leix suenmak daengj, daezsang gij dinfwngz caeuq yauqik bouxndaemmak. Daengz seiz- neix, daengx yienh gaenq guh- sat son’gyauq dinfwngz ndaem mak 7 geiz, son’gyauq vunz 7028 vunzbaez, fatcuengq swh- liu 7050 faenh.

(Maj Nizya)

●Mboengqneix, aen faen- doih senhconz “saeknding vwnzyi binggwihmax” youz bouxguhhong vwnzyi Nazboh Yen gapbaenz haenx, bae daengz Bwzswngj Yangh Yavaz Cunh aen yienh neix banh cienciengz yienjok. Doiq fwen、vaiqbanj vahdeihfueng、diuq- foux minzcuz、siujbinj daengj cezmuz ndeiyawj、hingzsik lai yiengh, yinx ndaej baenz cien boux vunz daengx din yawj- ngonz.

(Lingz Cinghlu)

●Bineix daeuj, Denz- dungh Yen Yincaz Cin doeng- gvaq gij fuengsik yungh diemj daiq mienh、guhyiengh daiq- doengh, gujli nungzhoh haenq- rengz hwngfat ndaem gonengz- nuengx ciengx nonsei, mizyauq daiqdoengh bouxguhnaz saed- yienh laisou. Daengz seiz- neix, aen cin neix hwngfat suen gonengznuengx mienhcik daengz 200 moux, miz 40 lai ranz ciengx nonsei, yawhsuenq daengx bi ciengx nonsei 10 buek, fat gyaeq nonsei ca mbouj geijlai 600 mbaw, reh gai cungjsouhaeuj daengz 36 fanh maenz.

(Danz Haijdiz)

●Mboengqneix, Denzlinz Yen Giucouh Cin cujciz baicuzsoj、sizyozgenh daengj danhvei haiguh aen hozdung camcaz senhconz “ndwen ancienz guhhong”, hozdung cawjdaez dwg “sengmingh guh daeuz ancienz hwngfat”, yiengq gyoengq vunzlai senhconz ndoj yiemj gouq cai、veiswngh fuengz raq、 fuengzceih bingh’aiswh daengj cihsiz, gyagiengz gij yisiz ancienz vunzlai lajmbanj.

(Vuz Gvanghminj)