Vih cietsaed ca ndei hong vat- cimh、cingjleix、baujhoh caeuq swnj- cienz vwnzva Vahyauz, Bingzloz Yen Minzcunghgiz doiq gij cingzgvang yungh、daegdiemj faenbouh sawloih vahgangj Yauzcuz guh ciendaez diu- caz, soucomz dawzndei haujlai caizliu yienghnduj, faensik cingjhab le giet- dingh yungh lai hingzsik、lai diuz roen dawz hong Vahyauz swnjcienz caeuq fatyiengz roengzbae.

It dwg banh aen ban son’gyauq saw vah Yauzcuz, cingj lauxsae song saw vah youq Dafaz Yauzcuz Yangh Cungsim Siujyoz caeuq Minzcuz Cunghyoz, yungh dangzgoq mizyinx hailaeb sonhag Vahyauz, swnjcienz baujhoh conzdungj vwnzva minzcuz vunznoix, aeu daj hag saw vah guh hwnj.

Ngeih dwg yungh dieg vwnzva hozdung dieg comzyouq minzcuz lajmbanj, laeb aendieg doxgyau vah minzcuz vunznoix. Hawj beixnuengx Yauzcuz rox gangj Vahyauz haenx youq dieg hozdung doxgyau vahgangj caeuq doiq ciengq fwen Yauzcuz, yungh gij heiqfaenh gikcingz angq- yangz neix daiqdoengh beixnuengx Yauzcuz henz ndang hag vah Yauz- cuz.

Sam dwg cungfaen yungh QQ、veihsin daengj lai cungj bingzdaiz gwnz muengx, haenqrengz senhconz gij daegbiedsingq、youqgaenjsingq conzdungj vwnzva Yauzcuz. Laebguh laebcaez aen gihci gikcoi, diuhdoengh gij cawjdoenghsingq、gaenxmaenx- singq bouxswnjcienz Vahyauz, mbouj- duenh gyalai vatcimh cingjleix conz- dungj vwnzva vah Yauzcuz.

(Vangz Fangh)