6 nyied 28 hauh, youz Bahmaj Yauzcuz Swciyen Yinzminz Cwngfuj、Yinzliz Swhyenz Caeuq Sevei Baujcang Giz caeuq Yen Cungjgunghvei lienz- hab gawjbanh Gvangjsih Gaiq Daihhaj Vunzhong Nungzminz dinfwngz dox- dax, Bahmaj ndaw yienh doxdax ciengznduj youq Mbanjgyaeu Vwnzva Gvangjcangz caeuq Hungzyin giceh siuhlijcangj gawjhengz.

Mbat doxdax neix laeb miz canghdaeqgyaeuj、dengungh、cangh- dajcoih giceh、canghdajcaep、cangh- geujganghginh、 canghdajcawj byaek Cungguek、canghguhmienh yiengh- ngaiz Cungguek、canghguhcaz、boux- hohleix ciengxlaux、bouxfuzvuyenz bouqgwnngaiz daengj 10 aen cizyez (cungjhong), gak hanghmoeg cungj dwg gak vunz doxdax. Gungh yinx daengx yienh 295 boux vunzhong nungzminz daeuj bauqmingz camgya doxdax.

Ginggvaq ngoenz ndeu haenqhwd doxdax, gungh miz 60 boux senjsouj ndaej ciengj, faenbied ndaej ngaenz- ciengj 1500 maenz、1200 maenz、1000 maenz. Ndawde：Canghdajcawj byaek Cungguek Liu Cenz、canghdajcaep Vangz Cunghginh daengj 30 boux senjsouj ndaej haeuj ndaw gvaengx Hozciz Si dauqfuk doxdax. Boux- senjsouj doxdax ciengznduj cingzcik dabdaengz biucinj haenx, ndaej bonj cwngsuh cizyez swhgwz guekgya camgya doxdax cizyez (cungjhong) cogaep (haj gap).

(Veiz Mingzsungh/韦明崧)