●Ndwen 6 ngoenz 26, Lingz- yinz Yen Sizyozgenhgiz youq densin gvangjcangz aen yienh neix haiguh aen hozdung ngoenz gimq- doeg gozci “6·26”, hozdung cawj- daez dwg“ndwenngoenz cangq- heiq, saekloeg mbouj miz doeg, daeqceih huqdoeg, bouxboux miz cwzyin”. Hozdung doenggvaq venj fuk hwngzfuz、baij senhconz canj- banj、fat swhliu senhconz gijgwn gijyw ancienz daengj fuengsik, yiengq gyoengq vunzlai guh gijgwn gijyw ancienz senhconz caeuq gimqdoeg senhconz gyauyuz.

(Liuz Cunghswngh)

●Ndwen 6 ngoenz 23 daengz ngoenz 24, youq Namzningz Si Cauzyangz Gvangjcangz caeuq Gyanghnanz Vandaz Gvangjcangz caeuq Hozciz Si Ginhcwngzgyangh Gih Gaibwzmaj, miz gyoengq dah- sau Vanzgyangh ndeu dawz gofoux Mauznanzcuz caeuq “vaiqniuj” seizneix riuzhengz haenx dox giethab, yungh fuengsik mbouj doxdoengz yienj le “vaiqniuj Mauznanz” ndeiyawj, yungh fuengsik seizhwng senhconz fat- yiengz vwnzva Mauznanzcuz, hawj engq lai vunz roxyiuj Mauz- nanzcuz, gvansim Vanzgyangh.

(Veiz Yui)

●Ndwen 6 ngoenz 25, aen hoih doigvangq gaisau cienciengz (Baekging) makgaivaiz Baksaek bi 2018 youz Baksaek Siveij、Si Cwngfuj cawjbanh, Si Nungzyezgiz、Si Sanghvugiz、Si Douzswh Cucingiz、Si Yinzminz Cwngfuj Baijyouq Baekging Lenzlozcu ciepbanh haenx youq aen hawciengz gaibued doxgaiq reihnaz Sinhfazdi Baekging Si banh, gwnz hoih, caezgya cimz makgaivaiz, gangj cingzngeih, maeuz hwngfat, muengh caezgya cungj ndaej ik.

(Cinz Veifungh)

●Ndwen 6 ngoenz 25, Bingz- siengz Si Yasiz Segih youq aen gvangjcangz laeuzbanhgoeng segih hwnjguh moq haenx banh gaiq daih gouj conzdungj ciet gobo vwnzyi comzyienj. Mwh hozdung, bouxcujciz Bouxcuengh bonj dieg yungh Cuengh Gun song cungj vah cujciz cezmuz. Gaiq ciet gobo neix yungh “saedhengz lajmbanj saenqhwng·dajcauh Cungguek Dunghmungz aen cin mak” guh cawjdaez. Hozdung miz doxdax fwen、doxdax fouxgvangjcangz daengj，yinx ndaej haujlai vunz daeuj yawj.

(Vangz Meijcinh)